2017 jyldyń 18-mamyry kúni QR Ulttyq akademıalyq kitaphanasynda Alashorda úkimeti men Alash avtonomıasynyń 100 jyldyǵyna oraı «El-SHejire» qoǵamdyq qory shyǵarǵan ǵalym-jazýshy Tursyn Jurtbaıdyń «Dvıjenıe Alash» atty 3 tomdyq qujattar jınaǵy men Bolat Múrsálimniń «Alashorda» fotoalbomynyń tanystyrylymy ótti.
Jınaqtar «Samuryq-Qazyna» AQ qoldaýymen jaryq kórip otyr. İs sharaǵa qoǵam qaıratkerleri, otandyq ǵalymdar, zıaly qaýym ókilderi qatysty. Olardyń arasynda tarıh ǵylymdarynyń doktory, Stambýl qalasyndaǵy Mımar Sınan kórkem ýnıversıtetiniń profesory Abdýahap Qara, jýrnalıs, «Alashorda» fotoalbomyn qurastyrýshy Bolat Múrsálim, «Samruk-Kazyna Trust» áleýmettik jobalardy damytý Qorynyń resmı ókili Lıma Dıas bar.
Kezdesýdiń moderatory «Alashorda» úshtomdyq jınaǵynyń avtory, Qazaqstan Respýblıkasynyń eńbek sińirgen qaıratkeri, fılologıa ǵylymdarynyń doktory, profesor T.Jurtbaı da boldy. «Alash» ıdeıasy – men úshin máńgilik ıdeıa bolyp sanalady. Ol qazaq halqynyń qundylyqtaryn ón boıyna saqtaǵan ıdeıa bolǵandyqtan, men sonyń aıasynda tárbıelendim. Biz «Samuryq-Qazyna» Qoryna jáne onyń basshysy Ómirzaq Shókeev myrzaǵa jınaqty jaryqqa shyǵarýǵa qarjylaı qoldaý kórsetkeni úshin alǵys bildiremiz», – dedi T.Jurtbaı.
T.Jurtbaıdyń «Dvıjenıe Alash» atty 3 tomdyq jınaǵy muraǵattaǵy qupıa qujattar men sot materıaldary negizinde qurastyrylǵan. Avtor bul derekti shyǵarylymdy daıyndaýǵa kóp eńbek jumsady. Onda Ulttyq Qaýipsizdik Komıtetiniń muraǵat materıaldary negizine anyqtalǵan 1927-1932 jáne 1937-1938 jyldardaǵy «Alash» partıasy jáne «Alashorda» úkimeti qaıratkerleriniń tergeý isi týraly jazylǵan.
B.Múrsálimniń «Alashorda» fotoalbomyna sırek tarıhı sýretter jınaqtalǵan, Alash arystarynyń ómiri men qyzmeti fotoderekter arqyly kórsetilgen. «Dvıjenıe Alash» jınaǵy men «Alashorda» fotoalbomy oqyrmandar men zıaly qaýym ókilderi tarapynan úlken suranysqa ıe bolady dep kútilýde.
«Biz osy jobany iske asyrýǵa atsalysqanymyzǵa qýanyshtymyz. «Samruk-Kazyna Trust» áleýmettik jobalardy damytý Qory «Alash» qozǵalysynyń murasyn jınaqtap, ony keıingi urpaqqa amanattaýdy óziniń basty mindetterinniń biri sanaıdy. Bul jınaqtarda jarıalanǵan materıaldardyń tarıhshylarǵa, zertteýshilerge, stýdentterge mol paıdasy tıeri sózsiz», – deıdi «Samruk-Kazyna Trust» áleýmettik jobalardy damytý Qorynyń resmı ókili Lıma Dıas.
Kezdesýdiń qatysýshylary atap ótkendeı, «Dvıjenıe Alash» kitaby men «Alashorda» fotoalbomy aldaǵy ýaqytta HH ǵasyrdaǵy qazaq tarıhynyń senimdi derekkózi retinde paıdalanylýy múmkin.
