«Nur Otan» partıasy Tóraǵasynyń Birinshi orynbasary mańyzdy memlekettik baǵdarlamalardyń iske asyrylýy barysyn tekserý, sondaı-aq, Elbasy Joldaýynyń negizgi erejelerin túsindirý úshin Jambyl oblysyna keldi.

Muhtar Qul-Muhammed bolǵan kásiporyndardyń qatarynda óńirdiń iri sút óndirisi – Merke irimshik zaýyty da bar. Onyń basty ereksheligi zaýyt birden 40 sharýa qojalyǵyn biriktiredi.  Mundaı kooperasıanyń nátıjesi kózge kórinip te tur. Ónimderin ótkizýge baılanysty olarda másele týyndaǵan emes. Zaýyt kúnine 70 tonna sútti qaıta óńdeı otyryp, túrli sút ónimderiniń 70-ten astam túrin shyǵarady.

«Memleket basshysynyń tapsyrmasy boıynsha jyl saıyn agrarlyq salany damytý úshin mıllıardtaǵan aqsha bólinedi. Ol qarajatty tıimdi ıgerý úshin shaǵyn sharýa qojalyqtary iri aýyl sharýashylyǵy kooperatıvterine birigýi tıis.  Merke irimshik zaýyty 40-tan astam aýyl sharýashylyǵy kásiporyndaryn biriktiredi. Bul Prezıdent tapsyrmasyn oryndaýdyń jarqyn mysaly», - dep atap ótti «Nur Otan» partıasy Tóraǵasynyń Birinshi orynbasary fermerlermen bolǵan kezdesýinde.

Muhtar Qul-Muhammed sonymen birge Qordaı aýdanynda ornalasqan elimizdegi iri jel elektr stansıasynyń jumysymen tanysty. Bul jobany iske asyrýǵa memleket aıtarlyqtaı kómek kórsetti – qarjynyń bir bóligin  «Bıznestiń jol kartasy – 2020» baǵdarlamasynyń arqasynda tartýdyń múmkindigi týdy.