Úkimet aýyl sharýashylyǵyn damytamyz dep «Aýyl sharýashylyǵy kooperatıvteri týraly» zań qabyldap, kooperatıv qurǵandarǵa sýbsıdıa beriledi dep eldi dúrliktirip qoıǵan edi.
Bıliktiń taǵy bir talaby sýbsıdıa alý úshin kooperatıv músheleriniń sany 20 dan, sıyr sany da 50 den kem bolmaýy kerek eken.
Biraq, Qazaqstan Respýblıkasy Premer-Mınıstriniń orynbasary – Qazaqstan Respýblıkasy Aýyl sharýashylyǵy mınıstri Asqar Myrzahmetov 2017 jylǵy 27 qańtardaǵy № 30 buıryǵyn shyǵaryp, «Asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsıdıalaý qaǵıdalaryn» bekitedi.
Atalǵan qaǵıdanyń 6- babynyń 3-tarmaǵynda «3) ótinimdi bergen sátte bir shartty analyq basqa keminde úsh gektar normatıvi boıynsha eldi meken jeriniń sheginen tys jaıylymdarmen qamtamasyz etilmegen jaǵdaıda, aýyl sharýashylyǵy kooperatıviniń seleksıalyq jáne asyl tuqymdyq jumysqa tartylǵan iri qara malynyń (qoıdyń) barlyq analyq basy sýbsıdıalaýǵa jatpaıdy» (6. Sýbsıdırovanıý ne podlejat: 3) vse matochnoe pogolove krýpnogo rogatogo skota (oves) selskohozáıstvennogo kooperatıva, vovlechennoe v seleksıonnýıý ı plemennýıý rabotý prı neobespechennostı pastbıshamı za predelamı zemel naselennogo pýnkta po normatıvý ne menee treh gektar na odný ýslovnýıý matochnýıý golový na moment podachı zaıavkı.),- dep tur.
Demek, bir kooperatıv 50 sıyrǵa sýbsıdıa alýy kerek bolsa oǵan tıeseli jer kólemi 150 gektardan kem bolmaýy kerek.
Al, 500 sıyryń bolsa, sýbsıdıa alý úshin 1500 gektar jeriń bolmasa sýbsıdıany túsińde ǵana kóresiń.
Osylaısha, Asqar Myrzahmetov túrli jolmen myńdaǵan gektar jer alyp alǵan latıfýndıserdiń soıylyn soǵyp otyr.
Al qarapaıym halyq sol sorlaǵan qalpynda qala beredi.
Jalpy, osyndaı quıtyrqy zańdar men buıryqtardyń saldarynan bolashaqta shaǵyn sharýashylyqtar men jeke azamattardyń paılyq úlesi kooperatıvterge shoǵyrlandyrylyp, artynan ákimderdiń alyp qoıýyna jaqsy jol ashýy múmkin.
Osylaısha Asqar Myrzahmetovtyń «jaqsylyǵynyń» artynda «kómýli bomba» jatýy ǵajap emes.
«Alash joly» jalpyhalyqtyq qozǵalysy
