Almaty qalasyna balalar úıleri men mektep-ınternattarynyń tárbıelenýshileri, jas sportshylar basketbol boıynsha Qazaqstan Respýblıkasynyń "Úmit kýbogy" chempıonatyna qatysýǵa keldi. Chempıonat 9 kúnge sozylady. Bıyl jobaǵa Qazaqstannyń 16 qalasynan – Atyraý, Qaraǵandy, Qostanaı, Kókshetaý, Astana, Óskemen, Taraz, Jezqazǵan, Ekibastuz, Semeı, Pavlodar, Shymkent, Alǵa, Almaty, Saıram, Sandyqtaý qalalarynan 17 komanda usynys bildirip, jalpy saıysqa qatysýshylar sany 168 balany qurady. Chempıonatta jeńiske jetken komanda basketbol boıynsha sport sheberligine úmitker mártebesin alady, onymen qosa barlyq qatysýshylar baǵaly syılyqtar men maqtaý qaǵazymen marapattalady. Ataýly saıys Qazaq týrızm jáne sport akademıasynda ótkiziledi. Jas óspirimder tek saıysyp qana qoımaı bos ýaqytynda Almaty qalasyn saıahattap, qosymsha “Jastarǵa jol” qoǵamdyq qorynyń negizin qalaýshy Rafael Gasanov jáne psıholog Janna Nýrseıtovanyń yntalandyrý maqsatyndaǵy dárisin tyńdap, «Mafıa» jáne «Qoltyraýyn» tárizdi biliktilikti arttyratyn oıyndardy oınaıtyn bolady. Aıta keteıik, is-sharany uıymdastyrýshy jáne bas demeýshisi «Halyq» qaıyrymdylyq qory.
«Halyqtyq lıga» sheńberinde sońǵy 12 jyldyq kóleminde balalar úıi men mektep-ınternattary tárbıelenýshileri basketbolmen shuǵyldanyp keledi. Dodaǵa qatysýshylar tolyqtaı tıisti qural-jabdyqtarmen jabdyqtalyp jáne saıys aldynda basketbol boıynsha eń úzdik óńirlik bapkerlermen jattyǵady. QR Bilim jáne ǵylym mınıstrligi jáne QR ulttyq basketbol federasıasynyń qamqorlyǵymen ótetin "Úmit kýbogy" chempıonatyna sportshylar jylyna bir márte jınalady. Komanda oıynshylary jyl saıyn basketbol boıynsha sport sheberliginiń úmitkeri mártebesin ıelenip jáne óziniń sportyq mansabyn ushtaýǵa múmkindik alady.
Salaýatty ómir saltyn ustaný, Qazaqstan boıynsha balalar úıi men mektep-ınternattary tárbıelenýshileri arasynda basketbol sport túrin damytý «Halyqtyq lıga» áleýmettik jobasy 2005 jyldan bastaý alǵan. Ataýly joba sportqa degen súıispenshilikti arttyra otyryp, balalardyń bos ýaqytyn durys paıdalanýǵa baýlyp, Qazaqstan boıynsha 17 balalar úıi men mektep-ınternattaryn biriktire kele jyl saıyn 500 tárbıelenýshilerdi sportpen shuǵyldanýǵa ıtermeleıdi. «Halyqtyq lıga» bastaý alǵaly jyldar ishinde jobaǵa balalar úıinen 3 myń tárbılenýshi qatysyp, jalpy Qazaqstan Halyq banki tarapynan qarjylandyrylǵan soma 330 mln teńgege jetti.
