Qoınyna shólmegin qysqan bir kisi meshit janynan ótip bara jatyr dep jazady Qamshy aqparattyq agenttigi muslim.kz -ke silteme jasaı otyryp. Besin namazyn meshitten oqyp shyǵyp kele jatqan ımam álgi masty kórip:

- Baýyrym, toqtashy. (İshimdikke birshama qyzyp alǵan álgi kisi ımamnyń daýsyn estı sala shólmegin jasyryp álektendi)

- Oooo, moldeke, assalámý aleıkým! Amansyz ba?

- Ýaǵaleıkým assalám, baýyrym! Amanbyz. Óziń qalaısyń?

- Kórip turǵanyńyzdaı júrip jatyrmyz...

- Saǵan bir ótinishim bolyp tur. Maǵan álgi meni kórip tyǵyp qoıǵan qoınyńdaǵy araǵyńdy berseń – dep, qulaǵyna sybyrlady.

- Ony qaıtesiz?

- Meshittiń ishine tógemin. Mas kisi tańyrqap:

- Ne dep tursyz? Allanyń úıin lastaýdan qoryqpaısyz ba? Meniń ishimdikke salynǵanyma qyryq jyl boldy, alaıda mundaı iske barǵan emespin, barmaımyn da. Araqty ondaı jaman iske qoldanýǵa bere almaımyn. Menen aýlaq júrińiz – dep, ımamǵa qadalyp qarady. Sonda ımam álgi kisige kúlimsirep:

- Sen adamdardyń qolymen turǵyzylǵan, qabyrǵasy topyraqtan jasalǵan myna meshittiń ishine araq tógýime qarsysyń. Al endi óziń oılanyp qarashy, Álemderdiń Rabbysy sondaı keremet pishin berip, rahymyna bólep, qulshylyq úshin jaratqan tánińdi araqpen lastaýǵa qalaı ǵana qıasyń?

- Men, men...( dep únsizdik tanytty)

Sholýshy: Ásel Óteshova