Elde salafızmge resmı túrde tyıym salý kerek. Bul týraly Aqtóbe oblysynyń ákimi Berdibek Saparbaev aıtty, dep jazady Qamshy aqparattyq agenttigi.
19 mamyrda Aqtóbede Májilistiń Halyqaralyq ister, qorǵanys jáne qaýipsizdik komıteti ekstremızm men terorızmniń aldyn alý jáne osy saladaǵy zańnamany jetildirý týraly jıyn ótti.
Oblys ákimi óńirdegi "teris dinı aǵymdy ustanýshylardyń" 30 paıyzy áıelder dep otyr. Sondyqtan aımaqqa teolog áıelder kerek ekenin aıtty.
Al İshki ister mınıstriniń orynbasary Marat Demeýovtyń aıtýynsha, ózge elde soǵysyp júrgen 240 adamǵa ınterpol arqyly izdeý jarıalanǵan. Onyń keıbiri shetelde ustalypty.
Bas prokýrordyń orynbasary Marat Ahmetjanov ekstremızm men terorızmniń aldyn alýǵa qyrýar qarjy bólingenimen, onyń jemqorlardyń qaltasyna túsip jatqanyn málimdedi. Mundaı faktiler Batys Qazaqstan, Jambyl, Aqmola oblystarynda anyqtalǵan.
