«Jigitter» kvartetiniń múshesi, ánshi Baǵlan Ábdiraıymov aqsha jymqyrdy dep ustalǵan qazaqtyń beldi ártisi Tuńǵyshbaı Jamanqulovty jaqtap, óziniń ınstagram paraqshasyna mynadaı jazba qaldyrdy:

«Ia, Alla! Aqty - aq, qarany - qara dep ajyratyp bershi! Adamdar nege pende ekenin umytyp, túzý bola qalady? Kim qatelespeı jatyr? Kim jemeı jatyr? Ómir boıy ónerge shyn qyzmet etip, jetpiske taıaǵanda 69 mln taǵdyryn talqan etpekshi me? Jazǵyshtarym - aı, jazyńdar endi... Bireýdiń kýpalnıgi men tabysyn sanap, biriniń baıyn, biriniń qatynyn sanap, belden tómen ósek jazyp. Shynyn jazyńdar! El aǵasy jaıly jazyńdar, aqıqat izdeńder, sensasıa jasańdar! Ashyǵyn xalyq bilsin! Rasyn da kináli bolsa, 69 mln dollar emes qoı, teńge. Ónerdi baǵalaıtyn qaltaly azamattar bolsa, kóbirek shyǵarsyn, qalǵany shamasyna qarasyn. Rasyn da qaryz bolsa alsyn. Teris bolsa Qıamette esep qylarsyzdar. Eldigiń qaıda, birligiń qaıda? Aǵanyń shákirtteri qaıdasyzdar? Es biler jaýapty bireýińiz qolǵa alyńyz. Esep shot ashyńyz! Qarap qalmańyzdar! "Aq júnis" jýrnalyn nemese ınternentten taýyp oqyńyzdar. Taqyryp túsinikti bolý úshin. Elbasymen Ádil sotqa ǵana úmitti, aǵa! Sot ádiletsiz bolsa she? Aqtalýyna at salysyp, 70 - jyldyq toıyn atap óteıik! Alla sol kúndi násip etsin!», deı kele Tuńǵyshbaı Jamanqulovtyń aıtqan sózimen qorytyndylaıdy:

"Muhtar Shahanovtyń bir óleńi bar:
«Jata bermes shyndyq-ıt bosaǵada,
Týra qara, kózińdi tasalama!..» deıdi.
Men halqymnyń aldynda shyndyq úshin kózimdi tasalamaı, týra qaraıtyn jaǵdaıdamyn, allaǵa shúkir! Meni osyndaı etip jaratqanyna shúkirshilik etemin. Meni osyndaı etip tapqan anama da shúkirshilik etemin. Halqymnyń betine týra qaraı alamyn. Kózimdi tasalamaımyn, kirpigimdi de túsirmeımin! Men aqpyn halqymnyń aldynda. Ónerimniń aldynda aqpyn. Ultymnyń aldynda aqpyn. Zamanym men kezeńimniń aldynda da aqpyn! Zańnyń aldynda da aqpyn!".

Sholýshy: Gúlim Jaqan

foto: reactor.inform.kz