Bank RBK men Qazaq Banki birigetini jaıly kelisimge keldi, dep habarlaıdy Qamshy aqparattyq agenttigi  "Bank RBK" AQ  baspasóz qyzmetiniń málimetine súıenip.

 "Bank RBK" AQ pen "Qazaq Banki" AQ aksıonerleri eki qarjy ınstıtýtynyń birigýine qatysty kelissózder júrgizip jatyr. Jaqyn arada eki bank arasynda Memorandýmǵa qol qoıylady. Osylaısha eki bank birigedi.

Memorandýmdaǵy negizgi erejeler QR Ulttyq bankimen kelisildi",-delingen habarlamada. Sonymen qatar, eki banktiń birigýinen paıda bolǵan qarjy ınstıtýtynyń Bank RBK brendimen jumys isteıtini aıtylady.

Aıtsa ketsek, «Bank RBK» AQ – teńgerimdi damý kórsetkishterine ıe QR eń iri bankterdiń top ondyǵyna kiretin qazaqstandyq ámbebap bank ınstıtýty. Bank teńgerimdi damý kórsetkishterine jáne otandyq bank naryǵynda eń sapaly nesıe portfelderine ıe: 01.01.2016j. jaǵdaı boıynsha Bank RBK-tegi merzimi 90  (NPL 90+) kúnnen asa merzimge keshiktirilgen nesıeniń shekti kórsetkishi bar bolǵany 2,8%, bul orta naryqtyq kórsetkishten (7,95%) úsh ese úzdik nátıje. Bank adamı kapıtaldy, ınfraqurylymdy, aqparattyq tehnologıalary men menshikti brendin damytýǵa qomaqty ınvestısıalardy júzege asyrýda.

AQ "Bank RBK" 

Farıd Lúhýdzaev - 11%

Baharıdın Ablazımov - 9,9%

Erjan Dostybaev - 9,9%

Dınmýhamet Idrısov - 9,9%

Azat Ermembetov - 9,9%

Kaırat Sharıpbaev - 9,0%

Bolat Nazarbaev - 9,0% tıesili. 

«Qazaq Banki» aksıonerlik qoǵamy zańdy jáne jeke tulǵalarǵa banktik qyzmet kórsetýge mamandanǵan komersıalyq bank bolyp tabylady. Bank ámbebap bankke tán túrli qyzmetter usynady.

Banktiń fılıaldar jelisi 8 fılıaldar men 19 bólimshelerden turady, olar Astana, Almaty, Qaraǵandy, Aqtóbe, Taraz,  Shymkent, Qaskeleń, Atyraý  qalalarynda ornalasqan.

Banktiń aksıonerler quramyna Qazaqstan Respýblıkasynyń rezıdentteri - jeke jáne zańdy tulǵalary kiredi.

Bank Qazaqstan qor bırjasynyń (KASE), «Qazaqstannyń jeke tulǵalardyń salymdaryn kepildendirý (saqtandyrý) qory» (KDIF), Qazaqstan Qarjygerler qaýymdastyǵynyń (AFK) múshesi, ««Damý» kásipkerlikti damytý Qory» AQ «Bıznestiń jol kartasy-2020» baǵdarlamasyn júzege asyrý kóleminde jáne "Damý óńirler III" shaǵyn jáne orta kásipkerlik sýbektileriniń óńirlik basym jobalaryn qarjylandyrý baǵdarlamasy, Qazaqstandyq Bankaralyq Esepaıyrysý Ortalyǵy» RMK(KISC), «Birinshi kredıttik búro» JSHS (1CB), Dúnıejúzilik Bankaralyq Qarjylyq Telekomýnıkasıa Qaýymdastyǵynyń (SWIFT) seriktesigi bolyp tabylady.

Sholýshy : Aıgerim TAÝBAI