Vanguard Nigeria merzimdi basylymynyń habarlaýynsha, Nıgerıada asa qatygezdigimen tanylǵan qylmys oryn alǵan. Idjebý-Oda qalasynda Júsip Amzat Sálem esimdi 35 jastaǵy ımam ári sheıh pen onyń áıelin jáne tórt balasyn óltirip ketken, dep jazady Qamshy aqparattyq agenttigi islam.kz basylymyna silteme jasap.

Imam men onyń áıelinen basqa 11 jastaǵy qyzy, 8 jastaǵy egiz uldary jáne 2 jastaǵy náresteni shimirkpeı pyshaqtap óltirip ketken. Qazirgi ýaqytta polısıa qanypezer qylmyskerdi izdestirip jatyr. Qylmyskerdiń aty-jóni, tur-tulǵasy, turǵylyqty jeri jáne mundaı qadamǵa ne úshin barǵany ázirge belgisiz. Al eldiń sózine qaraǵanda, Nıgerıada musylmandarǵa hrıstıan radıkaldary jaýlyq kózqarasta, tipti, hrıstıan sodyrlarynyń musylmandardy jappaı qyryp jatqanyn da habarlaǵan edik. Al marqum ımamdy tanıtyndardyń aıtýynsha, ımam sabyrly ári meıirimdi jan bolǵan.