Robocop atty alǵashqy robot polıseı Dýbaıdyń polısıa quramyna kirdi dep habarlaıdy Qamshy aqparattyq agenttigi Arabian Business-ke silteme  jasap.

Robottyń uzyndyǵy – 170 santımetr, salmaǵy – 100 keli. Ol emosıa detektorymen jasaqtalǵan. Osy arqyly adamdardyń bet álpetinen, ózin-ózi ustaýynan tártip buzýshyny anyqtaı alady. Robot adamdardyń emosıasyn 1,5 metr qashyqtyqtan baıqaıdy.

Áskerı navıgatordyń arqasynda jergilikti aımaqty jaqsy biledi. Alty tilde sóıleı alady. Onyń ishinde aǵylshyn men arab tili de bar. Halyq robot arqyly kredıttik kartamen polısıa qyzmetiniń aqysyn tóleı alady.

Robocop kóshelerdi aralap júrip, beıne taspany alyp kelip, tártip saqshylaryna qylmyskerlerdi tabýǵa kómektesedi. Robot qoǵamdyq oryndarda adamdarǵa kómektesip, tártip buzǵandarmen kúresedi jáne qalanyń qaýipsizdigine jaýap beredi.

Sholýshy: Ásem Álmuhanbet