47 jastaǵy Lız Barton tuqym qýalaıtyn neırofıbromatoz dertine shaldyqqan. Mundaı aýrýmen aýyratyndardyń barlyq denesinde qatersiz isik ósedi. Qazir Lızanyń denesinde 100-den asa isik bar.

Lız 5 jasta bolǵanda atalmysh aýrýdyń  alǵashqy belgileri paıda boldy. 16-ǵa tolǵanda onyń jaǵdaıy nasharlady. Ol kezde qyz arqasynda gólftyń dobyndaı isiktiń baryn sezdi. Ol omyrtqada óse bastady. Ony operasıa arqyly alyp tastady. Osydan keıin Lızdiń omyrtqasy kıfotıkalyq deformasıaǵa ushyrady. Lız muny ómirindegi eń qıyn kún bolǵanyn aıtady.  

«İsikter meniń denemde turyp qalǵan qatty jańǵaqqa uqsaıdy. Onyń basymda da baryn bilemin. Men ony sezemin» deıdi Lız.

Operasıaǵa deıin ol aıaǵyn sezbedi jáne sóılegen sózi anyq bolmady. Osynyń saldarynan mektepke bara almady. Alaıda isik alynyp tastalǵannan keıin onyń arqasy 100 gradýsqa ıilip qaldy. Qazir áıel eshteńe estimeıdi. Kórý qabileti de tómen. Neırofıbromatoz este saqtaý qabiletine de áser etedi.

«Bul óte qıyn. Balalaryma janym ashıdy. Men jyldap dalaǵa shyqpadym. Endi jasyrynǵym kelmeıdi».

Lızdiń 3 balasy bar. Olar 14 jastaǵy Ellıot, 16 jastaǵy Lúsı jáne 21 jastaǵy Djoshýa. Balalarynyń barlyǵyna aýyr dert berilgen eken. Ellıottyń ishinde isik bar. Al Lúsıde basynda. Djoshýa deni saý dep oılaıdy. Alaıda anasy oǵan senimdi emes ekenin aıtady. 

Sholýshy: Ásem Álmuhanbet