2017 jyldyń 15 mamyrynda «Qazaqstan» RTRK» AQ-nyń  delegasıasy Qytaı Halyq Respýblıkasynda is-saparda bolyp, Qytaı Ortalyq Televızıasynyń (CCTV) prezıdenti Nıe Chjensımen kezdesti dep habarlaıdy Qamshy aqparattyq agenttigi. 
         Kezdesý barysynda birlesken jobalar óndirisi jáne korporasıalar arasyndaǵy tájirıbe almasý boıynsha ekijaqty      yntymaqtastyq  máseleleri talqylandy. 
          Sondaı-aq, SSTV-7, SSTV-8 jáne SSTV-12 telearnalarynyń jetekshilerimen kezdesip, taraptar arasynda birlesip telehıkaıalar, derekti fılmder jáne jobalar óndirý boıynsha kelisim ornady. 
         Budan bólek, sol telearnalardyń prodúserleri jáne rejıserlerimen shyǵarmashylyq birlestikter arasyndaǵy tájirıbe         almasý       máseleleri         qarastyryldy. 
        Al, 17 mamyrda «Qazaqstan» RTRK» AQ delegasıasy Chansha qalasynda ornalasqan         «Hunan     TV» teleradıkorporasıasyna      bardy. 
      Bul kezdesýde Hunan TV prezıdenti Lú Hýanbın «Qazaqstan» RTRK» AQ-men yntymaqtastyqty ornatýǵa úlken qyzyǵýshylyq bildirdi. Kelissózder júrgizilip,  taraptar bolashaq josparlarymen bólisip, birlesken teleónimder men kórkem  fılmder         óndirisi      boıynsha   ýaǵdalasty.

Aıta keteıik, Qytaı Ortalyq Televızıasy (CCTV) qyzmetin 1958 jyldyń 2 qyrkúıeginde Beıjiń         qalasynda bastady. 

Hunan TV 1997 jyldyń qańtarynda iske qosylyp, búgingi kúnge deıin Qytaıdaǵy eń kóp qaralatyn spýtnıktik arnalar qatarynda ekinshi orynda.

«Qazaqstan» Respýblıkalyq teleradıokorporasıasy «Qazaqstan» Ulttyq telearnasyn, «Balapan»jáne «Kazsport» arnalaryn, Qazaq radıosyn, «Shalqar», «Astana», «Classic» radıolary men aımaqtyq teleradıokompanıalardy biriktiredi.