Saýd Arabıasynyń astanasy Er-Rıadta ótip jatqan arab jáne musylman elderiniń samıtinde Irak pen Sırıadaǵy terrorıstermen kúresti qoldaýdyń áskerı kontıngenti quryldy. Bul týraly samıt qorytyndysynda qabyldanǵan qujatta aıtylady. Samıtke AQSH prezıdenti Donald Tramp ta qatysty, dep habarlaıdy Qamshy aqparattyq agenttigi Azattyq radıosyna silteme jasap.

Er-Rıadtaǵy samıtke qatysqan 50-den astam eldiń memleket jáne úkimet basshylary, onyń ishinde AQSH prezıdenti Donald Tramp Irak pen Sırıadaǵy terrorısterge qarsy operasıalardy qoldaý kontıngentign qurýdy qoldady. Kontıngent 34 myń adamnan quralady dep josparlanǵan.

Samıtte qabyldanǵan "Er-Rıad deklarasıasynda" sonymen qatar Ekstremıstik ıdeologıamen kúrestiń dúnıejúzilik ortalyǵy qurylǵany da aıtylady. Ortalyqtyń shtab-páteri Er-Rıadta ornalaspaq.