Búgin Almaty qalasynda Almaty qalasynyń qorǵanys isteri jónindegi departamentiniń uıymdastyrýymen Qazaqstan Respýblıkasynyń Qarýly Kúshteriniń qurylǵanyna 25 jyl tolýyna oraı jáne Qazaq armıasynyń ımıjin kóterý, áskerı-patrıottyq tárbıeleýdi jaqsartý maqsatynda respýblıkalyq buqaralyq aqparat quraldarynyń ókilderin marapattaý sharasy ótti.

Sonymen qatar, Qazaqstan Respýblıkasy Qarýly Kúshteriniń oń ımıjin qalyptastyrý, erlik pen Otan súıgishtikke dáripteý. Sharada Almaty qalasynyń jergilikti áskerı basqarý organdarymen ózara tyǵyz baılanys jasap, yntymaqtastyq ornatyp, áskerı salanyń ımıjin damytýǵa úles qosyp kele jatqan BAQ marapattaldy. Onyń ishinde atap óter bolsaq, "Qamshy" aqparattyq agenttigi, "Arhar" aqparattyq portaly, "Alaýınformbúro" aqparattyq portalynyń jýrnalıserin Almaty qalasynyń qorǵanys isteri jónindegi departamenti bastyǵynyń orynbasary - tárbıe jáne ıdeologıalyq jumystar bóliminiń bastyǵy polkovnık Aspambetov Ermuqan Erlanuly madaqtama tapsyryp, bolashaqta odan ári shyǵarmashylyq baılanysta bolatynyn tilge tıek etti.

Sondaı-aq Almaty qalasynyń qorǵanys isteri jónindegi departamentiniń baspasóz qyzmetiniń bastyǵy maıor Novıkova Krıstına Akkýanovna sharaǵa qatysqan jýrnalıser qaýymyna alǵys bildirip, shyǵarmashylyq tabys tiledi. Almaty qalasynyń jergilikti áskerı basqarý organdarynyń baspasóz qyzmetteri BAQ ókilderimen árqashan tyǵyz baılanysta ekenin atap aıtqan jón. Mundaı ıgi bastamalar aldaǵy ýaqytta bola bermek.

Qarlyǵash MUSABEKQYZY