Aýyl turǵyndaryna memlekettik qyzmet túrleri qoljetimdi. Buryn alystaǵy aǵaıyn qujat tapsyrý úshin aýdan ortalyǵyna barýǵa májbúr bolatyn. Olqylyqtyń ornyn toltyrý maqsatynda mobıldi halyqqa qyzmet kórsetý ortalyqtary jumys isteıdi. Al olardyń sany 70-ke jetti. Budan bólek bıyl aýyldyq «Qazposhta» bólimsheleri arqyly memlekettik qyzmetterdi alý úshin pılottyq joba qolǵa alyndy. 2 myńnan astam poshta bólimshesi qatysatyn joba 8 mıllıonǵa jýyq turǵynǵa qyzmet kórsetedi dep josparlanǵan. Mınıstrdiń aıtýynsha, aldaǵy ýaqytta 2 myńǵa jýyq aýyl ǵalamtorǵa qosylady, dep habarlaıdy Qamshy aqparattyq agenttigi Habar Arnasynyń málimetine súıenip.

 «Qala men aýyldyń sıfrlyq aıyrmashylyǵyn azaıtýymyz kerek. Sondyqtan oǵan arnaıy baǵdarlama jasadyq. 3 jyldyń ishinde 1900 aýyldy mekenge ınternet jetedi. Bul baǵdarlama aıasynda biz arnaıy tarıfterdi qarastyramyz. Aýyldy mekenderge arnaıy tarıf beremiz», – deıdi QR Aqparat jáne komýnıkasıalar mınıstri Dáýren Abaev.

Sholýshy: Aıgerim TAÝBAI