"EKSPO-2017 kórmesi árbir qazaqstandyqtyń maqtanyshyna aınalýy tıis, sondyqtan da kópshiliktiń osynaý álemdik mańyzy bar aýqymdy sharanyń ótkizilý qurmeti elimizdiń enshisine tıgendikten, oǵan qatysý nıeti, bıletterdi satyp alýy – patrıotızmniń belgisi", dep jazdy QR Bilim jáne ǵylym mınıstrliginiń resmı saıty.
Bilim jáne ǵylym mınıstrligi men EKSPO basshylyqtary jergilikti atqarýshy organdardyń, basqa da uıymdardyń basshylaryn muǵalimderdi kórme bıletterin satyp alýǵa májbúrlemeýge shaqyrady, dep habarlaıdy Qamshy aqparattyq agenttigi mınıstrliktiń resmı saıtyna silteme jasap.
Óz tarapynan QR BǴM kórme bıletterin satyp alýǵa baılanysty qandaı da bir buıryq jasamaǵanyn, sonymen qatar mundaı áreketterge qarsy ekendigin jetkizedi.
Mınıstrliktiń bul jaıyndaǵy pozısıasy aıqyn: halyqaralyq kórme bastalar aldynda aýqymdy túsindirý jáne nasıhattaý jumystary júrgizilip, sharanyń máni men mańyzyn, onyń zamanalyq hám álemdik deńgeıdegi oqıǵa ekendigin jetkizip, kópshiliktiń shynaıy qyzyǵýshylyǵyn týdyrý qajet.
Shyn máninde, qazaqstandyqtar óz jerinde buryn-sońdy bolmaǵan sharaǵa qatysyp, kórme pavılondaryn kórip, otandyq qana emes, EKSPO – 2017 kórmesine qatysý nıetin bildirip, daıyndalyp jatqan elderdiń mádenıet, ekonomıka, ǵylym, jańa tehnologıalar – qaı salalary bolmasyn, búgingi eń úzdik úlgilerimen tanysýdyń birden-bir múmkindigine ıe bolyp otyr.
Búgin el ordasy Astana osynaý dúbirli oqıǵanyń bastalýyn taǵatsyzdana kútip, ǵalamat daıyndyq jumystaryn aıaqtap jatyr: aıtýly sharaǵa qajetti, halyqaralyq standarttarǵa saı ınfraqurylymdy qurý jumystary da aıaqtalyp keledi – EKSPO – 2017 kórmesine qatysam degen árbir adam úshin esik keńinen ashylmaq!
