Pavlodarda Ertis ózeniniń jaǵasynan 18 ǵasyrdyń belgili áskerı ári memleket qaıratkeri Sultanmuhamed Bahadúr sultannyń rezıdensıasy tabyldy, dep habarlaıdy Qamshy aqparattyq agenttigi QazAqparat-qa silteme jasap.
Pavlodarlyq Tımýr Smaǵulov bastaǵan «Marǵulan-ortalyǵynyń» arheologtary úsh ǵasyr buryn Ertis mańy bıleýshisiniń ordasy bolǵan jerdi tapty. Bul týraly tarıhshylardyń ózderi habarlady. Olar birneshe jyl boıy arhıvterdegi kóptegen qujattardy zerttep, sultannyń rezıdensıasyn izdeýge shyqqan.
Sultanmuhamed Bahadúr Abylaı hannyń týysy bolǵan. Dıplomatıalyq baǵytta jazylǵan jazbalar onyń kóregen ári óte suńǵyla saıasatker bolǵanyn aıǵaqtaıdy. Sultan jońǵar shapqynshylyǵy kezindegi eń basty aıqastardyń birine qatysqan.
Onyń ózen jaǵalaýynda birneshe rezıdensıasy bolǵan. Solardyń biri Pavlodardyń mańynda ornalasqan. Ol turǵan aral Sultannyń araly dep atalǵan. Endi «Marǵulan-ortalyǵy» ǵımaratynda atalǵan orynnyń kóshirmesi ornatylady. Ol kúzge deıin aıaqtalady degen jospar bar.
