Keshe Dımashtyń týǵan kúni boldy. Ony álemniń túkpir-túkpirinen halyq quttyqtap, aq tilekterin jaýdyryp jatty. Onyń ishinde álemge tanylǵan belgili adamdar da bar. Keshe túnde juldyzdy quttyqtaýlar qorjynyn taǵy bir adam tolyqtyrypty. Bul týraly Dımashtyń dosy ári ákimshisi Alpamys Shárimov óziniń ınstagram paraqshasynda jarıalady dep habarlaıdy Qamshy aqparattyq agenttigi. 

"Los-Andjelesten kelgen bul quttyqtaýdyń orny erekshe?! Bul kim deısizder ǵoı? Ataqty, Djeıms Kemeron túsirgen "Tıtanık" fılmindegi "My Heart Will Go on" ániniń avtory, eki márte Gremmı syılyǵynyń ıegeri, Ýıtnı Húston, Meraıı Kerı, Selın Dıon, Devıd Foster t.b álemdik myqtylarmen seriktes bolyp, kóptegen xıt ánderdi jazǵan, atyshýly Sony Music-tiń bas prodúseri, Gollıvýdtyń tanymal ókili Ýolter Afanaseff myrza! Mundaı tulǵalardy Myqtylardyń myqtysy deýge bolady!" dep jazdy Alpamys.

Sholýshy: Ásem Álmuhanbet