2017 jyldyń 23 mamyr kúni Qazaqstan Respýblıkasy  Mádenıet jáne Sport mınıstrligi Tilderdi damytý jáne qoǵamdyq-saıası jumys komıteti tarapynan «Túrki-slaván baılanysyndaǵy til jáne ádebıet: qazirgi zaman kózqarasy» atty halyqaralyq ǵylymı konferensıa ótken bolatyn. Osyǵan baılanysty Qamshy tilshisi fılologıa ǵylymdarynyń kandıdaty, L.N. Gýmılev atyndaǵy EUÝ dosenti, Sh.Ýálıhanov atyndaǵy ataýly syılyqtyń ıegeri Bóribaeva Maınur Ábiltaıqyzynan suhbat aldy.

«24 mamyr  búkil Slaván áleminde  jáne Eýrazıa keńistiginde  «Slaván jazbasy» kúni dep atalady. Qazaqstan Respýblıkasyn tilderdi qoldaný men damytýǵa arnalǵan memlekettik baǵdarlamasy  2011 men 2020 jyldar aralyǵynda  qolǵa alynǵan bolatyn.  «Túrki-slaván baılanysyndaǵy til jáne ádebıet: qazirgi zaman kózqarasy» is-sharasy osy baǵdarlamany  júzege asyrýǵa baǵyttalǵan. 24 mamyr «Slaván jazbasy» dep atalsa, 18 mamyr Qazaqstanda 2014 jyldan bastap «Túrki jazbasy» dep atalyp keledi.

2007 jyldan bastap  mamyr aıynyń 23 men  24 juldyzy aralyǵynda  Slaván jazbasyna arnalǵan ǵylymı dóńgelek ústel nemese ǵylymı konferensıalar  ótip júr.

 «Túrki-slaván baılanysyndaǵy til jáne ádebıet: qazirgi zaman kózqarasy» konferensıasyna bedeldi tulǵalar keldi. Sonyń ishinde: Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıteti tóraǵasynyń orynbasary Meldeshov Ǵalymjan, Reseı Federasıasynyń Qazaqstandaǵy Tótenshe jáne Ókiletti elshisi Bocharnıkov Mıhaıl Nıkolaevıch, Qazaqstan Respýblıkasyndaǵy Bolgarıa Respýblıkasy elshisiniń orynbasary Ivan Genov, Qazaqstan Respýblıkasyndaǵy Reseı yntymaqtastyq ókilettigi jetekshisi Nefódov Vıktor Leonıdovıch.

 «Túrki-slaván baılanysyndaǵy til jáne ádebıet: qazirgi zaman kózqarasy» dep atalǵany beker emes. Óıtkeni  keshegi ǵylym men búgingi ǵylym arasy kúnnen kúnge tolyqtyrylyp, ózgerister bolyp jatyr, sonyń bári osy konferensıada talqylandy.  Qazaqstanda shetelden kelgen stýdentter kóp. Shetel stýdentterine orys tilin, slaván tilderin qalaı oqytýǵa bolatyny  jáne qazirgi tańda tilderdiń úırenýdiń qandaı erekshelikteri bar ekeni qarastyryldy»