Aqmola oblysynda «Qazaqaltyn» TKMK» AQ aýmaǵynan quramynda altyny bar materıal urlaǵan qylmysker ustaldy, dep habarlaıdy  QazAqparat.  Polıseılerdiń málimeti boıynsha ótken jyldyń 5 qyrkúıeginde túngi 03:00-der shamasynda 27 jastaǵy kúdikti óziniń eki syıbaılasymen birge «Qazaqaltyn» TKMK» AQ aýmaǵyna zańsyz kirip,  qaptaryna salynǵan quramynda altyny bar materıaldy «ÝAZ» kóligine tıep alyp ketken.

Urlanǵan materıaldy Aqsý kentindegi úılerdiń birinde saqtaǵan. Polıseıler kelesi kúni qylmystyń betin ashyp, jalpy salmaǵy 881 keli bolatyn urlanǵan materıaldar salynǵan 21 qapty tapty. Alaıda, sol kezde kúdiktilerdi birden qylmystyń izin sýytpaı ustaýǵa múmkindik bolmady.

Atalǵan qylmysqa baılanysty QR QK 188 babynyń 4 bólimi (urlyq) boıynsha qylmystyq is qozǵalyp, kúdiktilerdi ustaý úshin keshendi sharalar júzege asyryldy. Nátıjesinde aǵymdaǵy jyldyń 24 mamyrynda basty kúdikti Almaty qalasynda qolǵa tústi. Jalpy, «Quqyqtyq tártip» jedel aldyn alý sharasy barysynda 19 qylmysker ustalyp, qarý ustaý jáne saqtaý boıynsha 18 oqıǵa anyqtaldy, sondaı-aq, osyǵan deıin jasalǵan 150 qylmys áshkerlendi. Onyń 42-i ótken jyldary jasalǵan.