Amerıkalyq Mıla Klark ómir boıy artyq salmaqpen kúresip keledi. Qurdastary ony 3 jasynan bastap «tolyq» dep ataǵan. Tolyqtyǵy jyl saıyn artyp, tósekten tura almaıtyn jaǵdaıǵa jetken.
Ýaqyt óte kele 5 balanyń anasy tósek tartyp jatqan. Sol sátten bastap artyq salmaqtan arylýdyń joldaryn qarastyra bastaǵan. Sodan beri jyl ótti jáne biraz ózgerister oryn aldy.
Tez ázirlenetin taǵamdarǵa degen súıispenshiligi Mılada bala kúninen bastap paıda bolǵan. Mılanyń anasy bos ýaqytynda dúkenge birge baryp túrli táttilerdi satyp alyp berip júrgen. Sonyń nátıjesine tolyqtyqqa dýshar bolyp otyr.
Jyldar boıy Klark kúıeýi jáne balalarymen birge ómir súrýde.
Qýanyshyna oraı tósekten tura almaıtyn áıeldiń otbasy músheleri jaqsy bolyp shyǵady. Anasyna jaqsy kútim jasaıdy.
Mıssıs Klark bir balany bosanǵannan keıin ómirine qaýip tóne bastaǵan. Sondyqtan kúıeýi ekeýi aqyldasyp 4 balany asyrap alǵan.
Artyq salmaqtan arylýǵa bastama bolǵan taǵy bir jaıt bar. Kúıeýiniń júregi aýyryp aýrýhanaǵa túsken sátte jaǵdaıyn bilý úshin aýrýhanaǵa da bara almaıdy. Soǵan ashýlanǵan Mıla salmaq tastaýǵa sheshim qabyldaıdy.
Alaıda onyń ózi áıelge ońaıǵa soqpaıdy.
Tósek ornynan múgedekter arbasyna áreń aýysqan kópbalaly ana gastroenterologıa salasynyń birinshi klassty mamanyna júginedi.
Aýrýhanaǵa barǵan sátte áıeldi kórgen dárigerler tipti salmaǵyn ólsheı almaǵan. Aýrýhanada biraz ýaqyt em alý usynylyp ,arnaıy tamaqtaný rejımi qoıylǵan.
Sonyń negizinde eki aı ishinde naýqas 39 keli salmaq tastaǵan.
Biraz ýaqyt ótken soń áıelge operasıa jasaldy.
Barlyq emin qabyldaı kele áıel 124 keli tastap, búginde ózi júrip tura alatyn halge jetti. 216 keli salmaqta bolýdyń ózi Mıla úshin úlken jetistik.
Áıeldiń aldaǵy ýaqytta da salmaq tastaý úshin jattyǵýdy toqtatpaıtyny belgili bolyp otyr.
Daıyndaǵan: Aıgerim Taýbaı
