Astanada Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraǵalyǵymen Qazaqstan Respýblıkasynyń Prezıdenti janyndaǵy Azamattyq máseleleri jónindegi komısıanyń kezekti otyrysy ótti dep, habarlaıdy Qamshy aqparattyq agenttigi  Aqordanyń baspasóz qyzmetine silteme jasap.

Jıynda Qazaqstan azamattyǵyn berý máseleleri qaraldy.

Tıisti Jarlyqqa Memleket basshysy qol qoıǵannan keıin elimizge taıaý jáne alys shetelderden kelgen túrli etnostyń 640 ókili Qazaqstan azamaty atanady.

Gúlshara Ábdiqalyqova, táýelsizdik alǵan sátten beri Qazaqstan azamaty bolýǵa nıet bildirgen adamdar sanynyń jyldan jylǵa kóbeıip kele jatqanyn atap ótti. Osy kezeń ishinde elimizdiń halyqaralyq bedeli ósti. Bul – Qazaqstan Prezıdentiniń basshylyǵymen qol jetkizilgen áleýmettik-ekonomıkalyq turaqtylyqtyń, etnosaralyq kelisimniń, ornyqty damýdyń jemisi.

Memlekettik hatshy Memlekettik rámizder kúni qarsańynda elimizdiń azamattary jańa qazaqstandyqtardy erekshe yqylaspen qarsy alatynyn aıtyp, olarǵa baqytty ómir jáne Qazaqstannyń ıgiligi jolyndaǵy jumystaryna tabys tiledi.  

Gúlshara Ábdiqalyqova olardyń Qazaqstan Respýblıkasynyń laıyqty azamattary bolyp, egemen elimizdiń odan ári damýy men órkendeýine óz úlesterin qosatynyna senim bildirdi.

Komısıa otyrysynyń qorytyndysy boıynsha tıisti sheshimder men usynymdar qabyldandy. 

Sholýshy: Aıgerim Taýbaı