Kókshetaýda 5 synypta oqıtyn qyz joǵalyp ketti, ol 23 mamyrda úıinen shyǵyp, qaıta oralmaǵan, dep habarlaıdy Qamshy aqparattyq agenttigi Sputnik basylymyna silteme jasap.

Kókshetaýdyń áleýmettik jelilerinde №6 mekteptiń besinshi synyp oqýshysy joǵalyp ketkeni týraly aqparat taratyldy. Tkachenko Aleksandra 23 mamyrda úıinen shyǵyp, qaıta oralmaǵan.

"Iá, oqýshy qyz joǵalyp ketti, qazir izdestirip jatyrmyz. Ol tirkeýde bolǵan emes", — dep Kókshetaý ishki ister basqarmasy málimetti rastady. "Mektep oqýshysy ájesiniń qolynda turady eken. Ájesi 24 mamyrda polısıaǵa habar beripti. Qyzdyń anasy byltyr qaıtys bolǵan, budan buryn búldirshin úıden qashqan emes", — dedi İİB resmı ókili Sáýle Hamzına. Qyzdyń boıy 140 santımetr, aryqtaý kelgen, shashy qońyr, uzyn. Ústine qara kók tústi kardıgan kıipti, aıaǵynda sporttyq aıaq kıim bolǵan. Erekshe belgisi: ıegi shyǵyńqy kelgen.