Saıası qýǵyn-súrgin qurbandaryn eske alý kúnine oraı, 27 jáne 28 mamyr kúnderi «Qazaqstan» Ulttyq telearnasynda 5 bólimnen turatyn  «QARMEN JÝYLǴAN QAN»  kórkem telehıkaıasy kórermenge jol tartady dep habarlaıdy Qamshy aqparattyq agenttigi.       

Týyndyda «halyq jaýy» atanǵan el jaısańdarynyń jubaılary men balalarynyń «ALJIR» lagerinde ajalmen arpalysyp ótken ómiri, taýqymetti taǵdyry baıandalady. 

Fılmniń bas keıipkerleriniń biri,  Sveta esimdi boıjetken ájesiniń sońǵy amanatyn oryndaý úshin, Reseıden Astanaǵa attanady. Onyń qolynda, ájesiniń osy lagerde basynan  ótkizgen oqıǵalary jaıly jazylǵan eski kúndeligi saqtalǵan.  Svetanyń  maqsaty - qylyshynan qan tamǵan surapyl «qyzyl terror» jyldary anasy men ájesin ashtyq pen ajaldan, qıyn jaǵdaıda qaramastan,  qoryqpaı aman alyp qalǵan, Álıhan esimdi qazaq jaýyngerin       izdep          tabý. Ol kisi búgingi kúni jasy toqsannan asqan aýyl aqsaqaly. Sveta men qart Álıhan  búkil fılm boıy azapta ótken sonaý surapyl jyldardy eske alyp, qaıtadan sol kezderge oralǵandaı bolady. 

Fılmniń qoıýshy-rejısseri Ánýar Raıbaev, rólderdi somdaǵan:  Qobylandy Bolat,  Altynaı Nógerbek,     Anna Starchenko jáne  t.b