Qarapaıym shopyrmyn. Almatyda «jabaıy» taksı bolyp jan baǵamyn. Kóktem shyqqaly kóp sumdyqqa kýá bolyp jatyrmyz. Mart kelgende jol jóndeı bastaıtyn Almatynyń atqa minerleri birde Abylaıhan dańǵylyndaǵy búp-bútin joldy qorys-qopasyn shyǵaryp qazǵylady. Tólebıdi bir túrtpektep shyqty. Bundaı mysal kóp. Sap-saý joldy shuńqyrlap qazyp tastap, aı boıy jóndemeı qoıatyny taǵy bar. Al sol jol jóndegish, kóshe bútindegishter Almatynyń Dýmandaǵy, Shańyraqtaǵy, Qalqamandaǵy batpaqqa malynǵan, myń shuńqyr, shurq tesik kóshelerin eshqashan kórgen emes.

Bul joly aıtaıyn degenim ol da emes. Bala-shaǵanyń qamy dep Almatyny aınala taksı qyzmetin usynamyz. Degenmen kóp kýá bolatynym kún shyqqanda jarqyrap janyp turatyn kóshe shamdary. Búgin kúıip kettim, bir kóshe emes, qıylysyp jatqan qos kóshede sham jarqyrap tur. Sham óshiretin jaryqtyq iship ketken be? Gagarın men Qarasaı batyrdyń qılysy. Qadaǵalaıtyn bir basshy joq...

Túsip turǵan tuman joq, kún jaryqta jarqyrap janyp turǵan shamdardan qanshama energıa bosqa ketip jatyr. Energıa ǵana emes soǵan salyq retinde tólep otyrǵan halyqtyń aqshasy bosqa shashylyp jatyr. Bir ret emes san ret kýá bolǵasyn aıtamyz da. Mynaý da Almatynyń shetki kóshelerinen túsirilgen sýret.

Qazaqstan «Jasyl energıa» dep urandap, EXPO kórmesin ótkizgeli jatqanda Almaty ákimdiginiń bul qaı sasqany? Salyqtan túsken halyq aqshasyn ysyrap qylý qanshaǵa deıin jalǵasa bermek?

Baýyrjan Baqyt