Soltústik Koreıa taǵy bir balıstıkalyq zymyran ushyrǵan, dep jazady Qamshy aqparattyq agenttigi. Bul jaıynda Ońtústik Koreıa shtabtar basshylyǵynyń birlesken komtıeti málimdedi.
Renhap agenttiginiń habarlaýynsha, Ońtústik Koreıa prezıdenti Mýn Djeın zymyran ushyrylǵanyn talqylaý úshin ulttyq qaýipsizdik keńesiniń shuǵyl jıynyn ótkizýge shaqyrǵany habarlandy. Zymyran Soltústik Koreıanyń Vonsan qalasynan shyǵys baǵytqa qaraı ushyrylǵan.
Ońtústik Koreıa shtabtar basshylyǵynyń birlesken komıteti balıstıkalyq zymyran ushyrylǵanyn habarlady, biraq osy eldiń áskerıleri bul aqparatty áli naqtylap jatqanyn málimdedi. Japonıa synaq jasalǵanyn aıyptap, zymyran japon terıtorıasyna qulaǵan bolýy múmkin ekenin habarlady.
Sońǵy bir jarym jylda AQSH terıtorıasyna jetetin jáne ıadrolyq oqtumsyq alyp usha alatyn zymyran jasaýǵa talpynyp jatqan Phenán eki ret atom qarýyn synap, ondaǵan balıstıkalyq zymyran ushyrdy.
