Shanhaı yntymaqtastyq uıymynyń Beıjińdegi shtab-páterinde EKSPO-2017 mamandandyrylǵan halyqaralyq kórmesindegi SHYU pavılonynyń resmı tanystyrylymy ótti, dep habarlaıdy Qamshy aqparattyq agenttigi Qazaqparatqa silteme jasap.

Saltanatty sharaǵa SHYU bas hatshysy Rashıd Alımov qatysty. Ol shtab-páterdiń qonaqtaryna pavılonnyń qyzmeti týraly tolyǵyraq aqparat berip, SHYU óz tarıhynda alǵash ret halyqaralyq kórmeniń jumysyna qatysyp jatqandyǵyn atap ótti.

«SHYU-nyń EKSPO-2017 kórmesinde óz pavılonyn ornalastyratyn jalǵyz óńirlik uıym ekendigin esepke ala otyryp, bul biz úshin úlken jaýapkershilik pen qurmet bolyp tabylady», - dedi Álimov.

Bas hatshy kórme jumysynyń bastalý merzimi SHYU múshe-elderdiń basshylary keńesiniń otyrysymen tuspa-tus keletindigin atap ótti.

«Bolashaq energıasyna arnalǵan EKSPO-nyń taqyryby SHYU «Shanhaı rýhy» energıasymen tutasyp tur», - dep málimdedi ol.

Sondaı-aq, dıplomat SHYU pavılonynyń jumysy barysynda Uıym qyzmetiniń túrli aspektilerine arnalǵan is-sharalar ótetindigin habarlady.

«Biz EKSPO basshylyǵymen kórme aıasynda 27 tamyz - «SHYU kúni» retinde atalyp ótetindigi jóninde kelisim jasadyq. Dál osy kúni Astanada SHYU halyqaralyq marafony ótedi, oǵan 5 myńnan astam adam qatysady dep kútilýde. Alda óte mańyzdy baǵdarlama tur, osyǵan oraı barshańyzdy Astanadaǵy SHYU pavılonyna shaqyramyn», - dep túıindedi uıymnyń bas hatshysy.