Manchesterdegi terakt kezinde iPhone 6s smartfonynyń korpýsy brıtandyq azamatshany qutqaryp qalǵan dep habarlaıdy inform.kz.

Uıaly telefon bomba jaryqshaǵynyń betin qaıtarǵan. Lıza Brıjettiń kúıeýi bul oqıǵa týraly aıtyp bergen. Ol qıraǵan ári qan daqtary bar smartfonnyń sýretin jarıalady.

Áıeldiń kúıeýiniń aıtýynsha, onyń jubaıy jarylys kezinde telefonmen sóılesip turǵan. Jarylǵyshqa qosylǵan temir gaıka onyń sol qolynyń saýsaǵyn julyp ketip, smartfonnyń tómengi bóligin qıratqan (alúmını korpýs, dınamık, plata jáne dıspleıi) sosyn murynǵa kelip tıgen. Sonymen qatar áıeldiń sany jáne jilinshigine zaqym kelgen. Alaıda Lızanyń kúıeýi, zardap shegýshiniń kóńil-kúıi jaqsy ári jarylystan kezdeısoq aman qalǵanyna qýanatyny jetkizgen.

Eske sala ketsek, 22 mamyrdaǵy terrorlyq akti kezinde 22 adam qaza taýyp, 120-dan astam adam jaraqat aldy.  

Sholýshy: Ásem Álmuhanbet