Qazaqstannyń Jýrnalıser odaǵy BAQ arasynda dástúrli baıqaýyn jarıalady. Baıqaý 28 maýsymda atalyp ótetin jýrnalıser kúnine oraı uıymdastyrylyp otyr. Jýrnalıserge taqyryp tańdaýda erkindik berilgen. Ol ınovasıalyq jumystar, aımaqtarda kásipkerlik bastamany qoldaý, qorshaǵan orta máseleleri, jergilikti halyqty qoǵamdyq mańyzdy qyzmetterge jumyldyrý syndy taqyryptar bolýy múmkin.

Sondaı-aq, mádenı, jastardyń áleýetin keńeıtý, adam quqyǵyn qorǵaý, áleýmettik máselelerdiń sheshimi, qoldanystaǵy zańnamaǵa ózgeris engizýge qatysty usynystar, qoǵamdyq jáne azamattyq bilim deńgeıin kóterý jáne t.b. taqyryptardy tańdaýǵa bolady.

Baıqaýǵa arnalǵan materıaldarǵa qoıylatyn basty talap – taqyryptyń obektıvti, jan-jaqty, tereń zerttelýi, qandaı da bir máselege tyń kózqaraspen kelý, ózektilik, jyldamdyq. Ózekti degen taqyrypqa birneshe jumys usynýǵa bolady.

Konkýrsqa 2016 jyldyń 1 maýsymy men 2017 jyldyń 12 maýsymy aralyǵynda jaryq kórgen materıaldar qabyldanady. Nátıje 2017 jyldyń 23 maýsymynda anyqtalyp, marapattaý sharasy 2017 jyldyń 26 maýsymynda Almatyda ótedi.

Aýdıo-vıdeo sújetter, fotosýretter 2017 jyldyń 16 maýsymyna deıin tómendegi meken jaı boıynsha qabyldanady.

050010 Almaty q.,  Qaldaıaqov k-shi, 79, 502-keńse.

Tel.: 8 (727) 2-67-00-06

E-mail: union-press@kazmedia.kz