29 mamyrda Máskeýde joıqyn daýyl boldy, dep jazady Qamshy aqparattyq agenttigi.

Jyldamdyǵy 22 m/s bolǵan joıqyn jel 600-den asa aǵashty qıratyp, ǵımarattardyń shatyryna deıin julyp áketken. Sondaı-aq, qaqpalar men jarnama konstrýksıalary da jelmen ushty. Sońǵy aqparatqa súıensek, apat saldarynan Reseı astanasynda 11-ge jýyq adam qaza taýyp, 100-den kóbi zardap shekti. Kólikter men elektr symdary da jaramsyz qaldy. Bul jaıynda «Reseı-24» arnasy habarlaıdy.

Qaza tapqandardyń biriniń jasy 26-da. Qyzdyń ústine Búkilreseılik kórme ortalyǵynyń aýmaǵyndaǵy alyp aǵash qulaǵan. Endi bir er adamdy Djavaharlala Nerý alańynda aǵash basyp qalǵan. Eki adam kúrkeniniń astynda qalǵan.

Búginde Máskeýde nóser jaýyn men kóshkin júrý qateri bar. Jergilikti turǵyndar daýyldy vıdeoǵa túsirip, áleýmettik jelige jarıalap úlgerdi.

Sholýshy: Gúlim Jaqan