Aıden Koler 10 jastaǵy qarapaıym bala bolatyn. Onyń ákesi burynǵy áskerı qyzmetker balasynyń jetistikterimen maqtanatyn. Aıden sportpen shuǵyldandy. Sonyń ishinde fýtbol, basketbol, kúres seksıasyna da qatysatyn.
Bir kúni Aıden jattyǵýlardyń birinde talyp qalady. Jattyqtyrýshysy ony aýrýhanaǵa tezirek jetkizýge tyrysady. Dárigerler ákesine Aıdenniń mıy shaıqalǵan deıdi. Alaıda kúnnen-kúnge onyń densaýlyǵy nasharlaı beredi. Ýaqyt óte kele Aıden júrýden qalady, qımyl qozǵalysy da sıreı bastaıdy. Tipti sóz saptaýy da ózgeredi, bala sóıleýge de qınalady.
Az ǵana ýaqyt buryn oınap júrgen bala aıaq asty aýrýǵa shaldyǵady. Aıdende birneshe isiktiń bary anyqtalady. Mıyna ornyqqan obyr aǵzanyń barlyǵyn qurtyp bara jatty. Dárigerler balanyń shamamen bir jyly ǵana qaldy degen surapyl shyndyqty aıtqanda ákesi qatty qapalanǵan.
Taǵdyrdyń mundaı úkimin Aıdenniń ákesi qabyldaǵysy kelemese de, ulynyń sońǵy jylyn esten ketpesteı ótkizge tyrysady.
Súıikti komandasynyń jattyǵýyna qatysyp, óziniń súıikti sportshylarymen kezdesedi.
Aıdenniń ákesi Bıll kún saıyn balasy úshin duǵa etken. Jazylyp ketetin shyǵar degen ákelik úmit ulynyń kún sanap azyp-tozyp bara jatqanyn kórgende bir-aq úziledi.
Ómiriniń sońǵy sátteriniń birinde Aıden ata-anasymen qoshtasqysy kelip, sońǵy ótinishin aıtady. Óziniń janazasynda eshkimniń qaıǵyrmaýyn, qara kıinbeýin, jylap-syqtamaýyn ótinedi. Janazasynda án-kúı, bı bolyp kóńildi ótýin suraıdy.
Balasynyń sońǵy demi shyqqanǵa deıin Bıll onyń qasynda bolady. Bul tragedıa ony shyn máninde qatty eseńgiretti. Soǵys oshaǵynan oralǵan kezde uly onyń ómirge qaıta oralýyna sebepker bolǵan, ómiriniń máni bolǵan. Bul qaıǵydan arylýǵa oǵan áıeli men balalary kómektesti.
Er adamdy qynjyltqan basty nárse –onyń dármensizdigi, ulyna esh kómektese almaǵandyǵy boldy.
Aıdenniń ata-anasy qansha qınalǵanymen uldarynyń sońǵy ótinishin oryndady. Aıdendi sońǵy saparǵa motosıklıster baǵanymen shyǵaryp saldy.
Ata-ana úshin balasynan aıyrylýdan ózge qasiret joq deıdi. Ne degenmen, álemde emi joq aýrýlar bar. Solardyń biri-obyr. Qazirgi zamanda osy derttiń emin tabý qanshalyqty mańyzdy ekenin osyndaı oqıǵalardan keıin túsinesiń.
Sholýshy: Nazerke MUSA
