Elimizde bala kútimine baılanysty tólenetin járdemaqy merzimi uzarýy yqtımal. Bul týraly Premer-mınıstrdiń orynbasary Qyrymbek Kósherbaev málimdedi.

– Dekrettik demalystaǵy analarǵa járdemaqyny 1,5 jyldan uzaq ýaqyt tóleýge bola ma degen saýal jıi qoıylady. Men, tipti, 3 jylǵa deıin tóleýge qarsy emespin. Aqsha bolsa, árıne, tóleımiz. Biraq basty suraq – qarajatty qaıdan tabamyz? – dedi vıse-premer.

Sondaı-aq Qyrymbek Kósherbaev járdemaqy kóleminiń qysqartylatyny jónindegi qaýesetterdi joqqa shyǵardy. Onyń aıtýynsha, mundaı sheshim qabyldanǵan emes jáne mundaı aqparatty estigen joq.

– Járdemaqy kólemin arttyrý úshin barlyq baǵdarlamalarǵa revızıa júrgizilip, tıimsizderi ońtaılandyrylýy kerek. Qazir osy baǵytta naqty jumystar bastaldy, – dedi Úkimet ókili.