Portýgaldyq fýtbolshynyń sózinshe, «Barselonanyń» oıynshysy – minsiz fýtbolshy, alaıda aralarynda eshqandaı dostyq joq.

«Real Madrıd» fýtbol klýbynyń shabýyldaýshysy Krıshtıaný Ronaldý «Barselona» oıynshysy Lıonel Messı jaıynda óz pikirimen bólisti, dep jazady Qamshy aqparattyq agenttigi. Sport.es basylymyna bergen suhbatynda Ronaldý argentınalyq oıynshynyń ár qadamyn baqylap júretinin aıtty, oǵan degen qurmeti zor kórinedi. Alaıda dostyq jaıly áńgime bolmady. Onyń ústine, Ronaldý Messıdi básekelesi emes, áriptesi retinde kóretinin tilge tıek etti.

«Men jaqsy oıynshylardyń ár qadamdaryn baqylaǵandy jaqsy kóremin. Al Messı – minsiz fýtbolıst. Onyń oıynyna, ár qımylyna qarap fýtbol áleminiń qashan da bıikte ekenin aıta alamyn. Biz bir-birimizdi syılaımyz, biraq syılastyǵymyz sálemimizdiń túzýligimen ǵana shekteledi. Birge otyryp, áńgime dúken qurý degen bizde bolmaǵan. Ony dosym dep aıta almaımyn. Lıonel – meniń áriptesim ǵana». 

Sholýshy: Gúlim Jaqan