Shymkentte jezóksheler úıi polısıa qorshaýyna alynyp, birneshe áıel quldyqtan qutqaryldy dep habarlaıdy Qamshy aqparattyq agenttigi otyrar.kz-ke silteme jasap.

27 jastaǵy Vıktorıa Almaty qalasynyń týmasy. Almatyda onyń týystary turady. 

Er jigitpen tanysqan Vıktorıa súıiktisiniń qyzdardy satýmen aınysatynyn tipti oılamaǵan.  10 kúnnen keıin ony aldap soǵyp Almatydan shyǵaryp Shymkenttegi bordelderdiń birine satyp jibergen. Vıktorıa  qatigez áıeldiń qolynda tutqynda bolǵan. Ol ony sabap, tamaq bermegen.

«Ol meni kúnnen-kúnge qattyraq ura basady. Murnymdy qanatty. Jumys isteısiń, istemeseń seni budan da soraqy jerge satyp jiberemin dedi. Onda sen narkomandarmen birge turasyń, olar seni esirtkige otyrǵyzyp tastaıdy. 24 saǵat boıy jumys isteısiń dedi. Men qatty qoryqtym. Qashyp qutylý múmkin bolmady. Kilt tek qana páter jaldaıtyndarda ǵana boldy»-dep esine túsiredi Vıktorıa.

Osyndaı qorqynshtan Vıktorıa seksýaldyq qyzmetter usynyp jumys isteı bastaıdy. Alaıda kóp uzamaı bul tozaq bitip, ony klıentteriniń biri qutqaryp alǵan. Polıseıler bul bordeldi qorshaýǵa alyp, quldyqta júrgen qyzdardy taýyp alǵan.

Shymkenttegi jezóksheler úıinde 35 jastaǵy Bota esimdi áıel de bolǵan. Ol munda 5 jyl boıy tutqynda bolypty. Ony  Máskeýge aldap aparyp qujattaryn tartyp alǵan.

Búgin qutqarylǵan tutqyn qyzdar arnaıy baspanaǵa ornalastyryldy. Barlyǵy 9 adam men 4 bala turyp jatyr. Baspanaǵa zańger, psıholgtar kelip jumys istep jatyr. «Olar óz-ózderine kelgen soń qarym-qatynasty úzbeýge tyrsamyz, jumysqa ornalastyrýǵa da múmkindik bolady»-deıdi adamdar saýdasy qurbandaryna arnalǵan baspana dırektory Raýshan Hýdaıshýkýrova.

Sholýshy: Nazerke MUSA