Otbasyly bolý úlken jaýapkershilikti talap etedi. Eresek adamdardyń ózi mundaı jaýapkershilikten bas tartyp jatady. Sol adamdar 11 jastaǵy kolýmbıalyq baladan úlgi alsa eken.

Hýan Pablo men onyń ini qaryndastary ákesi týraly eshteńe bilmeıdi. Olar anasynyń qaraýynda bolǵan. Alaıda bir kúni anasy úıinen shyǵyp, qaıta oralmady.

11 jastaǵy bala ata-anasyz jáne ózine qarap otyrǵan 3 baýyrymen qaldy.

Hýan ini qaryndastaryna qamqor bolyp, olardy burynǵysynsha mektepke aparyp, sabaǵyn qadaǵalaıdy. Alaıda kóp ýaqytyn qaıyr suraýmen ótkizedi. Bastapqy kezde baýyrlaryn tapqan azyn aýlaq tıyn tebenmen tamaqtandyryp júrdi. Ýaqyt óte kele jaǵdaı ýshyǵa tústi. Qoqystan tamaq izdeýge týra keldi.

Ózi ash bolsa da eń aldymen baýyrlaryn tamaqtandyrdy. Olardan qalǵan qaldyqty jedi. Bir kúni kórshileri balalardyń jylaǵan daýysyn estip, olardyń úıine bas suǵady.

Úıge kirip kelgende kórshileri tańqalǵalysyn jasyrmady. Otbasynyń jaǵdaıyna qaramastan úı tap-taza, balalardyń kıimi jýýly, shashy taraýly bolǵan. Syrttarynan eresek adamnyń qaraýynsyz qalǵan balalarǵa múlde uqsamaıdy. 11 jastaǵy «otaǵasy» baýyrlaryna qamqorlyq kórsetken. Hýannyń áreketi maqtaýǵa turarlyq.

Kórshileri balalardyń uzaq ýaqyt óz betinshe qalaı ómir súrip kelgendigine tańqaldy. Balalardyń anasy da, ákesi de tabylmady. Sondyqtan olar memlekettiń qaraýynda bolady.

Kórshileri óz jasynan erte eseıgen Hýan eresek adamdarsha sóıleıtinin jáne oılaý qabiletine tańqalǵandaryn aıtady. Endi Hýan ýaıym-qaıǵysyz qarapaıym bala sekildi ómir súre alady dep úmittenedi. 

Sholýshy: Sabına Ramazan