Threads jelisinde "Qazaqstan mambettermen tanymal", "musylmandar - shoshqalar" degen málimdemeler jasaǵan kásipker Alıka Muhamadıeva qamaýǵa alyndy. Qazir ol  tergeý ızolátorynda. Buǵan deıin onyń áleýmettik jelide jazǵan birneshe pikiri qoǵam narazylyǵyn týdyrǵan bolatyn. 

Keıin qarjy sarapshysy Aıbar Oljaı kásipkerdiń ústinen Bas prokýratýraǵa aryz túsirgenin jáne Alıka Muhamedıevanyń ústinen is qozǵalǵanyn habarlaǵan bolatyn. 

Qazir Alıka Muhamedıeva Threads jelisindegi paraqshasyn óshirip, halyqtan keshirim suraǵan vıdeosyn jarıalaǵan. 

"Búgin túnde múlde uıyqtaǵan joqpyn. Tek osy jaǵdaıdy, aıtqan sózderimdi oılap, oılanyp shyqtym. Bul adamdar úshin qanshalyqty aýyr ekenin endi túsinip otyrmyn. Kishkentaı qyzym men kúıeýime qaradym, oǵan da qatty kináli ekenimdi sezindim. Meniń júregim qanshalyqty aýyryp turǵanyn, sizder elestete almaımyzdar… Muny sózben jetkizý qıyn. "Qazaqstan osy sóz arqyly tanyldy" degende, búkil halyqty aıtyp turǵan joqpyn. Jalpy eshqashan memleketti jamandaǵan emespin. Óıtkeni, eger men osy elde turyp, osy jerde bıznes jasap júrsem, bul eldi jaqsy kóremin degen sóz", – dedi kásipker. 

Biraq onyń keshirim vıdeosy jazadan sytylyp shyǵýyna kómektese almaıdy. Óıtkeni polısıa atalǵan is boıynsha tergeý jumystaryn bastap ketken. Endi onyń kinási dáleldense, 2 jyldan 7 jylǵa deıin sottalýy múmkin.