Túrkistan oblysy prokýratýrasynyń úılestirýimen, QMA jáne UQK oblystyq departamentteri birlesip, Ózbekstan quqyq qorǵaý organdarynyń qoldaýymen janarmaı ónimderin jasyryn tonnel arqyly shekaradan ótkizýmen aınalysqan halyqaralyq qylmystyq toptyń áreketin áshkereledi, dep jazady Qamshy.kz aqparattyq agenttigi.
Tergeý barysynda anyqtalǵandaı Qazaqstan men Ózbekstan arasyndaǵy shekaraǵa jaqyn aýmaqta top músheleri 450 metrlik jerasty tonnelin qazǵan.
Qylmystyq sqema 2 aı boıy jumys istegen. Osy ýaqyt ishinde shetelden qarjylandyrylyp otyrǵan janar-jaǵarmaı materıaldaryn tasymaldaýǵa arnalǵan logıstıkalyq baǵyttar men jasyryn shyǵarý arnasy qurylǵan. Operasıa barysynda Ózbekstan tarapy da óz aýmaǵynda dál osyndaı sharalar júrgizgen.
"Nátıjesinde qylmystyq áreketke qatysy bar barlyq tulǵalar anyqtaldy. Qazaqstan Respýblıkasynyń 5 azamaty kúdikti retinde tanyldy", - delingen habarlamada.
