Pavlodar oblysynyń soty kámelet jasyna tolmaǵan ógeı qyzyn zorlady dep aıyptalǵan 48 jastaǵy er adamdy ómir boıyna bas bostandyǵynan aıyrdy. Qyz balanyń jasy nebári 13-te bolǵan. 

Polısıanyń qolyna túsken M. esimdi er adamǵa Qylmystyq kodekstiń 120 baby 4 tarmaǵy boıynsha aıyp taǵylǵan. Onyń isi jabyq rejımde ótken.

Atalǵan istiń mán-jaıyn zańmen jarıa etý múmkin bolmaǵandyqtan proses jabyq rejımde ótken. Sottalýshynyń kinási jábirlenýshi, kýáler men sot-medısınalyq saraptama qorytyndysy boıynsha dáleldengen.

"İstiń mán-jaıyn jáne sottalýshynyń jeke basyn eskere otyryp, oǵan qylmystyq-atqarý júıesiniń tótenshe qaýipsiz mekemelerinde óteýmen ómir boıyna bas bostandyǵynan aıyrý jazasy taǵaıyndaldy", – delingen oblystyq sot taratqan aqparatta.