«Álfa-Bank» AQ qyzmetkeri Maksım Beskıshkın jáne onyń sybaılasy degen kúdikke ilingen Ivan Jýkov qamaýǵa alyndy, - dep habarlaıdy Qamshy aqparattyq agenttigi Tengrinews.kz-ke silteme jasaı otyryp.

Almatynyń Bostandyq aýdany prokýratýrasynyń málimeti boıynsha, sot istiń eki fıgýrantyna qatysty eki aı qamaýda ustaý túrindegi bultartpaý sharasyn tańdady.  Maksım Beskıshkın jáne Ivan Jýkov «Araı» turǵyn úı kesheninde ornalasqan «Álfa-Bank» bólimshesine shabýyl jasaǵan degen kúdikke ilinip otyr. 27 maýsymda saǵat 17:39-da İİD-ge Aımanov kóshesindegi «Álfa-Bank» bólimshesine qaraqshylyq shabýyl jasalyp, 65 mıllıon teńge tonalǵany týraly habarlama túsken. Saǵat 16:40-ta belgisiz tulǵa jer tóle arqyly «Álfa-Bank» ǵımaratyna kirip, banktiń 65 mıllıon teńgesin alyp ketkeni anyqtaldy.

Keıin qońyraýlardy tyńdaý arqyly kúdiktiler anyqtalyp, 30 maýsymda ustaldy. Polısıa kúdiktilerden urlanǵan 65 mıllıon teńgeni taýyp, aıǵaq retinde iske qosty.  Al «Álfa-Bank» ókilderi qalypty tártipte jumys istep jatqanyn jáne tonaýdyń bank qyzmetine esh áser tepegenin aıtady. 

Sholýshy: Ásel Bolatqyzy