Para alyp, isti bolǵan Qorǵanys mınıstrliginiń 11 qyzmetkerine jaza kesildi. Úkim mamandandyrylǵan aýdanaralyq áskerı sotta oqyldy. Kúdiktilerdiń jalpy eseptegende 69 mln. teńge kóleminde para alǵany dáleldendi, dep habarlaıdy Qamshy.kz aqparat agenttigi 24 Habar málimetine súıenip.
Sondaı-aq qylmystaryna qaraı qorǵanys salasynyń burynǵy qyzmetkeri men qarjy mınıstrliginiń bir mamany jáne alty kásipker ártúrli merzimge sottaldy. Al Qazaqstan Qarýly Kúshteriniń materıaldyq-tehnıkalyq qamtamasyz etý bas basqarmasy basshysynyń orynbasary podpolkovnık Tólemis Jumqazıev on eki jylǵa bas bostandyǵynan aıyryldy. Múlki tárkilenip, podpolkovnık shenimen de qoshtasty.
