Iordanıa 2020 jylǵa qaraı jańarmaly energıa kózderinen alynatyn qýatty 20% arttyrýdy kózdep otyr. Bul jaıly EKSPO-2017 Halyqaralyq mamandandyrylǵan kórmesi aıasynda Iordanıanyń Ulttyq Kúnin toılaý barysynda  Iordanıa Hashemıt Koróldiginiń Qazaqstan Respýblıkasyndaǵy Tótenshe jáne ókiletti hatshysy Ahmad Idrıs Ennab málimdedi. Óz sózinde ol Iordanıa energetıka sektoryn ártaraptandyrý salasynda qyrýar jumystardy atqaryp jatqanyn jáne energetıkalyq táýelsizdikti arttyrý úshin bar kúsh jumsap jatqanyn aıtty, dep habarlaıdy Qamshy.kz aqparat agenttigi EKSPO-2017 Medıa ortalyǵyna silteme jasapú

 «Iordanıa óz turǵyndarynyń energetıkalyq qajettńilikterin qamtamasyz etý úshin bar kúshin salýda. Sondyqtan energıa kózderin ártaraptandyrý Iordanıa úkimetiniń basty maqsattarynyń biri. Iordanıa energetıka salasyna tartylǵan ınvestısıalar kólemi boıynsha salystyrmaly túrde óz óńiriniń kóshbasshysy. Memlekettiń basty energetıka saıasaty – munaıǵa degen táýeldilikti barynsha azaıtyp, tabıǵı gazdy durys paıdalaný jáne energetıka sektorynda jańartpaly energıa kózderiniń rólin barynsha bekitý. Energetıka salasyn ártaraptandyrý boıynsha Iordanıanyń energetıkalyq strategıasynyń basty maqsaty – energetıkalyq qaýipsizdik pen ekologıalyq turaqtylyq», - dedi Ahmad Idrıs Ennab.

Óz kezeginde, Qazaqstan Respýblıkasy Aýyl sharýashylyǵy mınıstrliginiń jaýapty hatshysy Ermek Kósherbaev Qazaqstan men Iordanıa barlyq salalarda eki el arasynda ózara dostastyq pen baýyrmashyldyq qarym-qatynas ornaǵanyn aıta ketti. Iordanıanyń EKSPO-2017 kórmesine qatysýy eki eldiń ózara tıimdi yqpaldastyqty ary qaraı damytýǵa nıetti ekenin jetkizdi.

«EKSPO-2017 halyqaralyq mamandandyrylǵan kórmesi taqyryby búkil dúnıe júzine ózekti bolyp tabylady jáne bizdiń oıymyzsha, bul kórme alańynda qoıylǵan jańalyqtar tek Qazaqstan úshin ǵana emes, jalpy álem ekonomıkasynyń damýy úshin óte paıdaly bolady degen oıdamyz. Iordanıa jańarmaly energıa kózderi salasynda joǵary áleýetke ıe jáne onyń Kormege qatysýy sol áleýetti durys baǵytta damytyp, qoldanýyna nıetti ekenin kórsetedi», - dedi Ermek Kósherbaev.

Eske sala ketsek, bıyl Qazaqstan men Iordanıa arasyndaǵy eki jaqty dıplomatıalyq qarym-qatynastyń ornaǵanyna 24 jyl tolyp otyr. Ótken ýaqyt aralyǵynda eki el arasynda dostyq qarym-qatynas qalyptasty