Almaty oblysynda "Serpin" baǵdarlamasy boıynsha qujattardy qabyldaý bastaldy, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Búginde bul baǵdarlama boıynsha búkil respýblıka boıynsha 12 000 stýdent oqyp jatyr. 22 joǵary oqý orny tańdaldy. Aıta keteıik, tańdalǵan oqý oryndary elimizdiń úzdik JOO-larynyń qataryna kiredi. Óńirlerde qujattardy qabyldaý bastaldy.

23-30 shilde aralyǵynda Taldyqorǵan men Almaty oblysynda qujattardy qabyldaý rásimi ótedi. Bul týraly Óńirlik komýnıkasıalar qyzmetiniń brıfıńi kezinde belgili boldy.

QR BǴM "Serpin" Ulttyq jobalar basqarmasynyń basshysy Kúlzıa Tobataevanyń aıtýynsha, Almaty oblysynda  "Serpin" memlekettik bilim berý baǵdarlamasyn júzege asyrý jumystary jalǵasyp jatyr. Bul baǵdarlama arqyly jastar eńbek naryǵynda joǵary suranysqa ıe mamandyqtardy oqyp, keıin jumysqa tura alady.

"2017-2018 oqý jylyna 720 bilim berý granty bólindi. "Serpin" memlekettik baǵdarlamasymen birge qyzmet etetin taǵy eki oqý orny qosyldy. Bıyl alǵash granttardy alǵash stýdentter oqý bitiredi. Sondaı-aq, baǵdarlamanyń osyndaı aýqymdy deńgeıiniń arqasynda biz kelesi jyly magıstranttarǵa da grant bólýdi josparlap otyrǵanymyzdy aıtyp ótkim keledi. Qujattardy qabyldaý tek 2018 jyldan bastalady", - dedi QR BǴM "Serpin" Ulttyq jobalar basqarmasynyń basshysy Kúlzıa Tobataeva.

Aıta keteıik, osy baǵdarlama boıynsha bilim alyp jatqan stýdentterge memleket shákirtaqy tóleıdi jáne olarǵa ýaqytsha tegin jataqhana beriledi. Sondaı-aq, stýdentterge jylyna bir ret túrli shyǵyndary aqsha beriledi.

Eske sala keteıik, kolej stýdentterine Qytaıda tájirıbeden ótýge múmkindik bar. Grantqa ıe bolǵan ár stýdent shetelde oqyp kele alady.

Búginde osy baǵdarlamamen oqyp jatqan 22 stýdent Polshaǵa baryp keldi. Sondaı-aq, qazirgi ýaqytta stýdentter Bolgarıaǵa oqýǵa daıyndalyp jatyr.