Eń mańyzdy salanyń qadirin osynsha ketirý kimge kerek?!
Birde osy bıyldan bastalǵan ulttyq birińǵaı testke jáne «Altyn belgige» baılanysty ózgeristerdi estigende bilim mınıstrliginiń sol kezdegi orta bilim berý departamentiniń dırektory Jańyl Alpamysqyzyna dál osyndaı bylyqtyń bolaryn eskertip em, átteń bizdikiler «bilme, bilgenniń tilin alma», - degen qarǵysqa ushyraǵan ǵoı.
Qalaı aqtaǵan kúnniń ózinde «Altyn belgi» degen dardaı ataqtyń múmkindigimen 58 balmen túsken mamandyqqa úzdik kýáligi bar nemese soǵan jaqyn oqýshynyń 125 balmen túse almaýy eshqandaı da aqtaıtyn dúnıe emes.
Bıylǵy grant bólinisi mınıstrlik jumysynyń sapasyn kórsetti, ol shalalyq, reforma men zańnamanyń bir birine sáıkespeýi! Naqtyraq aıtqanda beıkásibılik!!!
Bıyl eldegi altynǵa úmitkerlerdiń 95 paıyzy altyn alyp, jalpy mektep bitirgenderdiń 10 myńǵa jýyǵy «Altyn belgi» ıegeri atanǵanyn eskersek, memleket tarapynan bólingen 36 myń granttyń tórtten biri sol sapaly, sapasyz altyndardyń qanjyǵasynda... Bul – kezinde bir ret bir pánnen úshke túsip qalǵan nemese synyby joǵarylaǵan saıyn oqýǵa talpynysy artqan, belgili sebeptermen altynǵa ilikpeı qalǵan, 11-synypqa kelgende uıqy kórmeı izdengen, t.b. qarapaıym qabiletti balalardyń armanynan aıyrý nemese maqsatynan burý!
Jyl basynda «ár tańdaý pánine sáıkes mamandyqtar tizbesin naqty jarıalańdar, bitirýshi taǵdyrymen oınamańdar» dep shyryldap ek, sońǵy sátke kelgende kezekti márte jáne mınıstrlik beıkásibı ekenin kórsetti.
Osydan keıin bizdiń mınıstrdi nemese mınıstrlikti aqtaý urpaqtyń taǵdyrymen oınaý!!!
Meniń alańdaıtynym, erteń grant ıegerleri tizimi qaıta qaralady, - dedi, sonda búgin grant ıegeri atandym dep alaqaılap júrgen bala erteń grantynan qaıta aıyrylsa nemese ýnıversıtet mamandyǵy ózgerse shý basylama, kerisinshe órshıdi.... Bul tyǵyryqtan tek ústeme grant bólip qana qutylady, bul memlekettik búdjetke shyǵyn, qosymsha stýdent qabyldaýǵa ýnıversıtet daıyn ba?! Suraq kóp...
Mınıstr qasyna ekonomıserdi emes, salanyń jiligin shaǵyp, maıyn ishkenderdi jınaǵany durys bolar... Atam qazaq «óziń kótere almas shoqpardy belge baılamas kerek» degen edi, mınıstr de kótere almas shoqpardy belinen tastap bıznesine qaraı ketkeni abzal shyǵar. Urpaq taǵdyry árkim kelip oıyn oınaıtyn, kásibin ashatyn bıznes salasy emes...
