Búgin Astanadaǵy Máskeý kúnderi aıasynda «Jeruıyq» saıabaǵynda Keńes odaǵynyń batyry, general I.V. Panfılovtiń eskertkishine jáne «28 panfılovshy» monýmentine gúl qoıý rásimi ótti. Bul týraly Qamshy.kz aqparat agenttigi Astana qalasy ákimdiginiń málimetine súıenip habarlaıdy. 

Máskeýlik delegasıany Máskeý Úkimetiniń mınıstri, qalalyq syrtqy ekonomıkalyq jáne halyqaralyq baılanys departamentiniń basshysy Sergeı Cheremın  basqardy. Panfılovshylarǵa qurmet kórsetip, rýhyna taǵzym etýge kelgenderdiń qatarynda Máskeý memlekettik dýmasynyń depýtattary, halyqaralyq jáne óńiraralyq qatynastar vedomstvosynyń basshylary, sondaı-aq TMD elderi boıynsha ózara áreket jónindegi mamandar bar.

Astana ákimdigin «Almaty» aýdanynyń ákimi Ádilbek Sársenbaev, Syrtqy saıasat basqarmasynyń basshysy Erlan Kanalımov jáne Din isteri jónindegi basqarma basshysy Danıar Esın tanystyrdy.

Taraptar sharanyń mańyzdylyǵyn atap ótip, qaza tapqan jaýyngerlerdiń rýhyna taǵzym etti.

Qaza tapqan jaýyngerlerdiń rýhyna taǵzym etý – Astanadaǵy Máskeý kúnderiniń aıasynda ótkiziletin mádenı sharalardyń bir bóligi.