2017 jylǵy 3 qyrkúıekte Koreı Halyq-Demokratıalyq Respýblıkasynyń Úkimeti sýtek bombasyna synaq ótkizgeni týraly habarlady dep habarlaıdy Qamshy.kz aqparat agenttigi QR Syrtqy ister mınıstrligine silteme jasaı oyryp.
Osy oraıda, Qazaqstan KHDR-dyń bul áreketteri múlde qolaısyz ekenin jáne BUU Qaýipsizdik Keńesiniń qararlaryn óreskel buzatynyn atap ótip, osy synaqty batyl túrde aıyptaıtyndyǵy týraly málimdeıdi.
Iadrolyq synaqtarǵa jan-jaqty tyıym salý týraly sharttyń HİV baby boıynsha 9-shy Konferensıaǵa Japonıamen birlesip teń tóraǵalyq ete otyryp, Qazaqstan KHDR-dyń bul is-áreketteri dúnıejúzilik qaýymdastyqtyń ıadrolyq qarýdy joıý men ony taratpaý tártibin kúsheıtýge umtylǵan kúsh-jigerine, sonymen qatar búkil álem men Koreı túbegine jáne jalpy sol óńirge aýyr qaýip tóndirip otyr dep esepteıdi.
Qazaqstan álemde ıadrolyq synaqtarǵa tolyq tyıym salynýyn qoldaı otyra, Soltústik Koreıany ıadrolyq shamdanýshylyqtan bas tartýǵa jáne ıadrolyq problema boıynsha kópjaqty kelissózderge dereý qaıta oralýyna shaqyrady.
