Ortalyq komýnıkasıalar qyzmetinde QR İİM Ákimshilik polısıa komıteti tóraǵasynyń orynbasary Talǵat MUSAQANOVTYŃ qatysýymen baspasóz konferensıa ótti dep habarlaıdy Qamshy.kz aqparat agenttigi QR İİM Baspasóz qyzmetine silteme jasap.
Qoǵamdyq tártipti kúzetý jáne jol qozǵalysy qaýipsizdigin qamtamasyz etý ishki ister organdary qyzmetiniń basym baǵyttarynyń biri.
Qazaqstan Respýblıkasyndaǵy 2014-2015 jyldarǵa arnalǵan qurylymdyq reformany iske asyrý baǵytynda ázirlengen Jol kartasyn oryndaý aıasynda jol-patrýldik polısıanyń saptyq bólimsheleri bıylǵy jyldyń 1 qańtarynan bastap ala taıaqtardy qoldanbaıtyn boldy.
Jol qozǵalysyn retteýshi polısıa qyzmetkerin jáne onyń qolmen bergen belgilerin júrgizýshiler men jaıaý júrginshiler anyq kórýi úshin tehnıkalyq nusqaýlyqtar, úlgiler qaıta qaralyp, sıgnaldy jıletter, qolǵaptar (qysqy, jazǵy), jaryq shaǵylystyratyn jolaqtary bar sary tústi jeńdegi búktemeler aýmaqtardǵy İİD-terine úlgi retinde joldandy.
Baqylaýdy kúsheıtip, zańdylyqty qamtamasyz etý úshin İİM jergilikti atqarýshy organdarmen birge 2014 jyldan beri jol-patrýldik polısıa jasaqtaryn beınetirkeýishtermen jabdyqtaý jumystaryn belsendi júrgizip keledi.
Bıylǵy jyl basynan beri jalpy elimiz boıynsha beınetirkeýishterdiń kómegimen 100 myńnan astam quqyq buzýshylyq tirkeldi, onyń 1 myńnan astamy qylmystyq ister.
Osyndaı beınetirkeýishtegi jazbalar kúdiktiniń kinásin dáleldeýde aıǵaq retinde paıdalanylady, sondaı-aq bul tehnıkalyq qural polısıa qyzmetkeriniń kúni boıyǵy barlyq áreketin de tirkeýge alady. Osylaısha beınetirkeýish polısıa qyzmetkerin de, quqyq buzýshyny da tártipke beıimdeıdi.
Jedel basqarý ortalyqtaryndaǵy beınebaqylaý kameralary jelisin keńeıtý jáne jańǵyrtý baǵytynda tıisti sharalar atqarylýda.
Polısıa qyzmetiniń aıqyndyǵy men ashyqtyǵyn jaqsartý jáne jemqorlyqty tómendetý maqsatynda qazirgi ýaqytta arnaıy boıaýlarmen aıshyqtalǵan, jaryq jáne dybys sıgnaldarymen jabdyqtalǵan jol-patrýldik polısıanyń patrúldik avtokólikteriniń artqy jáne janyndaǵy terezelerin qarańǵylaýǵa tyıym salyndy.
