Meksıka jaǵalaýynda jer silkindi. Bul eldegi sońǵy 100 jyldyń ishindegi eń joıqyn zilzala dep habarlaıdy Qamshy.kz aqparat agenttigi BBC-ge silteme berip. AQSH geologıalyq qyzmetiniń málimdeýinshe, silkinis qýaty Rıhter ólshemimen 8,1 baldy quraǵan. Sońǵy málimetterge qaraǵanda apattan 15 adam qaza tapty. Zilzala oshaǵy Chıapas shtatyndaǵy Tres-Pıkos mekeninen ońtústik batysqa qaraı 120 shaqyrymdaı jerde bolǵan. Mamandar jer silkinisinen sýnamı týyndaýy múmkin ekenin eskertti. Alyp tolqyn Gvatemala, Salvador, Kosta-Rıka, Nıkaragýa, Panama, Gondýras pen Ekvador eliniń jaǵalaýynda oıran salýy yqtımal.

Sońǵy aqparatqa qaraǵanda zilzaladan keıin 60-tan astam dúmpý bolǵan. Onyń keıbireýi 5 jarym baldan asyp tústi. Jergilikti bılik japa shekkender men qaza tapqandar sany áli de arta túsetinin aıtady.