KHDR SİM AQSH tarapynan bolyp jatqan sanksıalar men qysymdardy múldem negizsiz dep aıyptap, muny toqtatpaǵan jaǵdaıda AQSH-qa qarsy buryn sońdy kórmegen qatań sharalar qabyldaýǵa daıyn ekendigin aıtty, dep habarlaıdy Qamshy.kz aqparat agenttigi. Bul jaıynda dúısenbi kúni KHDR Ortalyq telegraf agenttigine málimdedi.

«KHDR-nyń táýelsizdigi men tolyq quqyǵyn shekteýge baǵyttalǵan AQSH-tyń sanksıalary men qysymdary tym shekten shyǵyp barady. AQSH BUU-nyń Qaýipsizdik qyzmeti kómegimen KHDR-ǵa qarsy sýtegi zarádyn synaqtan ótkizý máselesi boıynsha eń qatań sanksıalardy daıyndamaq. KHDR-nyń sýtegi zarády kontınentaralyq balıstıkalyq zymyrandarmen jabdyqtalýy múmkin», - delingen habarlamada.

Soltústik Koreıa SİM aıtýynsha, qýatty termoıadrolyq qarý AQSH tarapynan tónetin qaýip-qater men túrli qysymdarǵa qarsy turý maqsatynda jasalǵan.

«KHDR AQSH-ty qatań baqylaýda ustap otyr. Soltústik Koreıa kez kelgen qatań sharalardy qoldanýǵa daıyn. Óz kezeginde, KHDR qandaı da bir qadamǵa baryp, qatań shara qoldanatyn bolsa AQSH-ty ómirde kórmegen qaıǵy-qasiretke dýshar etedi. Ol iske búkil álem kýá bolady», - deıdi KHDR SİM.

Sonymen qatar, SİM habarlaýynsha, AQSH túrli eskertýlerge mán bermeı, KHDR-ǵa qarsy óziniń saıası-ekonomıkalyq soǵysyn toqtatpasa, olar tolyqtaı joıylyp ketý qaýipin seıilte eshqashan almaıdy.