Aqmola gornızonynyń áskerı soty 2017 jyly 24 tamyzda Nartaı Dútbaev pen basqa adamdarǵa qatysty qylmystyq is boıynsha úkim shyǵarylǵanyn málimdedi, dep habarlaıdy Qamshy.kz aqparat agenttigi Áskerı sottyń baspasóz qyzmetine silteme jasap.

Sot otyrysy jabyq túrde ótti.

Sot úkimine qatysty, Nartaı Dútbaevqa QR QK 172 baby boıynsha, óziniń qyzmetin asyra paıdalanyp, memlekettik qupıalardy  jarıa etti degen aıyp taǵylyp, 7 jyl 6 aıǵa bas bostandyǵynan aıyrý jazasy taǵaıyndalyp, ómir boıy memlekettik qyzmetke turý quqyǵynan aıyryldy. Sonymen qatar, Nartaı Dútbaevty memlekettik nagradalary men «general-leıtenant» ataǵynan aıyrýǵa úkim shyǵaryldy.

Muratov R. J. osy qylmystarǵa qatysy bar dep tanylyp, 5 jylǵa bas bostandyǵynan aıyrý jazasy men ómir boıy memlekettik qyzmetke ornalasý quqyǵynan aıyrý jazasy taǵaıyndaldy.

Hasen N. B. óz qyzmetin asyra paıdalanyp, memlekettik qupıalardy jarıa etti dep aıyptalyp, oǵan bes jylǵa bas bostandyǵynan aıyrý jaıly úkim shyǵaryldy. Sonymen qatar, memlekettik nagradalary men ómiriniń sońyna deıin memlekettik qyzmetke ornalasý quqyǵynan aıyryldy.

Nurtaev E. S. Memlekettik qupıalardy jarıa etýge kómektesti dep aıyptalyp, 3 jyl 6 jylǵa qamaldy jáne de ol da ómiriniń ońyna deıin memlekettik qyzmetke turý quqyǵynan aıyryldy.

Úkim áli zańdy kúshine engen joq.

Aıta keter bolsaq, Nartaı Dútbaev Nurtaıuly, Hasen Nurlan Bolatuly jáne Nurtaev Erlan Súıimbaıuly 2016 jyldyń 26 jeltoqsanynda qamaýǵa alynǵan bolatyn.