Latyn qarpin engizý bastamasy jarqyn bolashaqqa bet alǵan elimizdiń rýhanı bolmysyn, qoǵamdyq oı-sanasyn ózgertedi, jańǵyrtady. Búgin Parlamentte «Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly» parlamenttik tyńdaý barysynda QR Parlamenti Senatynyń depýtaty Darhan Káletaev osylaı málim etti, dep habarlaıdy Qamshy.kz aqparat agenttigi.
Senatordyń aıtýynsha, kez kelgen memlekettik, halyqtyq bastamanyń tabysty iske asýy úshin saıası, ekonomıkalyq, áleýmettik negizdeme jáne qoǵam tarapynan suranys bolýy tıis. «Dál qazirgi ýaqytta memlekettik tildi reformalaýǵa negizdeme de, suranys ta bar dep oılaımyn», - dedi Darhan Qaletaev. Onyń aıtýynsha, bul ultymyz úshin, bolashaq úshin asa ózekti ári qajetti joba ekendigi daý týǵyzbaıdy. Sondyqtan biz «Latyn álipbıi qajet pe?» degen suraqqa emes, «Latyn álipbıin qalaı tıimdi túrde engizemiz?» degen suraqqa jaýap izdeýimiz kerek. «Baýyrlas Túrkıa, Ázerbaıjan, Ózbekstan, Túrikmenstan elderin aıtpaǵannyń ózinde, tól álipbıleri bar Japonıa, Qytaı sıaqty alpaýyt memleketter latyn grafıkasyndaǵy álipbıdiń qosymsha nusqasyn engizip otyr. Osynyń ózi kóp nárseni ańǵartsa kerek», - dep atap ótti depýtat. Onyń pikirinshe, reformany júzege asyratyn atqarýshy bıliktiń, quzyrly organdardyń moınynda da úlken tarıhı jaýapkershilik tur. «Biz biryńǵaı standartty halyqtyń qoldanysyna engizýdiń barynsha tıimdi ári jeńil joldaryn qarastyrýymyz kerek. Eń bastysy, bul bastama jarqyn bolashaqqa bet alǵan elimizdiń rýhanı bolmysyn, qoǵamdyq oı-sanasyn ózgertedi, jańǵyrtady», - dep túıindedi D.Káletaev. Aıta keteıik, Parlamenttik tyńdaýǵa Májilis tóraǵasy Nurlan Nyǵmatýlın, Premer-Mınıstrdiń orynbasary Erbolat Dosaev, Senat jáne Májilis depýtattary men memlekettik organdardyń ókilderi qatysýda. «Rýhanı jańǵyrý» baǵdarlamasy aıasynda Qazaqstan Respýblıkasy Prezıdentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komısıanyń jumys tobynyń usynystaryn talqylaý qarastyrylýda.. Talqylaýǵa sondaı-aq, álipbı jobasyn ázirleýshi A. Baıtursynov atyndaǵy til bilimi ınstıtýtynyń jáne Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵynyń basshylary, joǵary oqý oryndarynyń rektorlary, ǵylym jáne mádenıet qaıratkerleri, ǵalymdar men sarapshylar, onyń ishinde sheteldikter, qoǵamdyq uıymdar men buqaralyq aqparat quraldarynyń ókilderi shaqyryldy.
